Njujorkezët i janë kthyer pirjes së duhanit në numër rekord

Sipas të dhënave të reja të publikuara këtë javë, edhe pse normat e duhanit janë në rënie në të gjithë SHBA-të, numri i konsumuesve të duhanit në Nju Jork ka shënuar rritje.

Sipas të dhënave të reja, rreth 16 për qind e banorëve të qytetit ende pinë duhan, një rritje për dy për qind nga një studim i ngjashëm i vitit 2010, transmeton Telegrafi.

Sipas Wall Street Journal, rritja e normës është e vazhdueshme tek të gjitha racat, grupmoshat, paralagjet, si dhe gjinitë, edhe pse të bardhët përbëjnë përqindjen më të madhe.

Pavarësisht që ka një nga taksat më të larta të cigareve në vend – për 4,35 dollarë për një pako – kritikët thonë se rritja mund të jetë për shkak të shkurtimeve buxhetore, të cilat kanë ndikuar në reklamat shtetërore të cilat sponsorizonin fushatat për lënien e duhanit.

Qyteti tani është duke planifikuar reklama të reja që kanë për qëllim “prekjen” e duhan pirësve jo të mëdhenj, të cilët, me sa duket “shpërndajnë” rreth 75 për qind të nikotinës në ajrin e Nju Jorkut. /Telegrafi/