Nju Jorku do të jetë më ndryshe: Do të përhapet një erë e spermës dhe seksit!

Nju Jorku këtë pranverë do të jetë pak më ndryshe, për disa më pak e disa më shumë i këndshëm. Dhe arsyeja është krejtësisht e mahnitshme. Një erë e çuditshme e qindra pemëve do të përhapet nëpër qytet, dhe do të kujtojë erën e spermës dhe seksit.

Dhe për këtë erë, shkaktar do të jetë një pema e dardhës, e cila është “e pranishme” në rrugët e këtij metropoli, transmeton Telegrafi.

Pema duket e bukur por lëshon jashtëzakonisht erë të pakëndshme, thonë Njujorkezët. Ata shpjegojnë se era është e njëjtë me “kombinimin e erës së spermës dhe peshkut të kalbur”.

Pemët janë mbjellë në vitet gjashtëdhjetë, por janë jashtëzakonisht rezistuese, shpejt mund të rriten dhe i mbijetojnë edhe kushteve të vështira.

Ata janë quajtur shpesh drurët e spermës për shkak të karakteristikës së erës në kohën e lulëzimit.

Doktor Eloj Rodriguez, profesor i biologjisë në Universitetin e Cornell, ka thënë se arsyeja ka të bëjë me kompleksin organik amin. Ekspertët e krahasojnë atë me erën e sqetullave të njeriut.

Era e qelbur e prodhuar nga dardha e Bradford është ndoshta një kombinim i dy amineve – trimethylamine dhe dimetilamine – pretendon botanisti Richard Banik.

Megjithatë, arsyen e saktë se pse ky dru lëshon erë aq të keqe, shkencëtarët nuk e kanë zbuluar ende.

Disa besojnë se arsyeja mund të jetë edhe tek fakti se fabrika të shumta, me anë të kësaj kanë tentuar që t’i largojnë insektet për të marrë nektarin nga lulet.

Megjithatë, të tjerët mendojnë se kjo është një mënyrë për të tërhequr fluturat dhe bletët që polenizojnë lulet. /Telegrafi/