Një burrë ribashkon foshnjën e humbur me nënën, njerëzit shprehen të shokuar nga reagimi i saj

Në një video virale të TikTok me mbi 2 milionë shikime, një burrë ribashkon një grua me foshnjën e saj të humbur në një plazh të Mbretërisë së Bashkuar.

Por ajo që duhet të ishte një ndërveprim i gëzueshëm midis burrit dhe nënës doli të ishte disi e pakuptueshme dhe shumë në internet u tronditën nga reagimi i nënës ose mungesa e një reagimi nga ajo, përcjell Telegrafi.

Siç edhe shihet, videoja tregon burrin duke ecur me një fëmijë. Sipas LADbible, burri në video është Michael Currid.

“Gjetëm një fëmijë duke u zvarritur drejt një rruge të zënë”, thotë zëri në video.

Ndërsa Currid zbret në plazh, një familje e thërret atë dhe ata gjejnë një moment për të diskutuar, ndoshta, se kujt mund t’i përkasë foshnja.

“Askush nuk e dinte se e kujt ishte foshnja”, vazhdon zëri.

Por ndërsa Currid ecën rreth plazhit me foshnjën në krahë, ai më në fund krijon kontakt me nënën.

Nëna i afrohet Currid, por ajo është në telefon, kështu që ajo e merr fëmijën e saj pa e falënderuar atë ose duke treguar ndonjë lloj reagimi emocional.

Ajo më pas godet një top futbolli dhe largohet, me foshnjën në krahë, me telefonin akoma në dorë.

“Ajo as nuk u shqetësua”, thotë zëri. “E neveritshme”.

“Çdo prind do të kishte qenë i furishëm pas rreth 30 sekondash duke u përpjekur të gjente [fëmijën e tyre]”, tha një komentues me emrin Jessica. “Unë jam vërtet aq e shqetësuar nga mungesa e emocioneve nga mamaja”.

“Pa shqetësim, pa panik, asgjë”, komentoi një tjetër me emrin Amelia.

“Kjo më shqetëson në çdo nivel”, tha një tjetër komentues. /Telegrafi/