Nëse po i përjetoni këto, keni rënë në dashuri

Dashuria është një gjë që në shumicën e rasteve vjen papritur. Por, nganjëherë mund të përzieni dashurinë me simpatinë, gabim ky që mund të çojë në ndjenja të përziera duke mos e ditur se çfarë po ndjen për personin tjetër.

Mënyra më e mirë për ta kuptuar dashurinë është përmes lidhjes fizike, mentale dhe emocionale.

Për ata të cilët nuk janë të sigurt nëse janë të dashuruar apo jo, në këtë listë më poshtë janë shenjat që tregojnë se jeni dashuruar me të vërtetë:

Kur ai/ajo është pranë, juve ju shtrëngon zemra
Emocionet e ankthit, lumturisë dhe shpesh frikës që ndodhin në mes të gjoksit tuaj kur e shihni atë, tregon më së miri se ju jeni të dashuruar. Nëse vetëm prezenca e tyre i shkakton këto në trupin tuaj, kjo tregon se ju jeni duke rënë edhe më shumë në dashuri me të.

E shihni në ëndërr
E gjeni atë në ëndrrat tuaja? Nganjëherë ëndrrat mund të jenë të çuditshme dhe të sjellin gjëra të çuditshme, por nëse keni menduar shumë për të gjatë ditës sigurisht se do ta shihni në ëndërr më vonë, transmeton Gazeta Express. Nëse e shihni në ëndërr dikë që ju pëlqen, është më mirë që t’ia thoni!

Kur rrini bashkë silleni çuditshëm
Të gjithë mund të jemi të çuditshëm nganjëherë. Por çfarë nëse vazhdimisht silleni çuditshëm kur ai/ajo është pranë jush? Është dashuri. Kur flisni me të, ju dridhet pak zëri, ju rrahë zemra më shpejtë, silleni shumë më çuditshëm se me të tjerët, ndjeni pak turp dhe jeni të rezervuar në atë që e flisni, të gjitha këto tregojnë se dashuria po ndodh si ndjenjë tek ju! /Telegrafi/