Morthi i këmbëve

Rastet më të shpeshta të infeksioneve mykotike shfaqen në këmbë në disa lloje dhe secili prej tyre karakterizohet me simptoma të veçanta.

Sipas shkallës së dëmtimit të lëkurës dermofitet ndahen në lukoza sipërfaqësore, që dëmtojnë vetëm flokët ose lëkurën, dhe ato që dëmtojnë në të njëjtën kohë lëkurën, flokët dhe thonjtë. Dëmtimi tjetër është ai i lukozës së thellë, që është rast më i vështirë i sëmundjes. Rastet më të shpeshta të infeksioneve mykotike shfaqen në këmbë në disa lloje dhe secili prej tyre karakterizohet me simptoma të veçanta.

Epidermofitia është infeksioni i këmbëve dhe gishtave nga dermotifitet. Epidermofitja e këmbëve favorizohet nga djersitja, kushtet higjienike jo të mira. Ndikojnë, gjithashtu, këpucët e ngushta dëmtimet e lëkurës, infeksionet bakteriale. Më të prekurit në këtë rast janë meshkujt, pasi i mbajnë veshur këpucët për një kohë më të gjatë veshur.

Kjo sëmundje mund të shfaqet në disa forma, siç është ajo intertriginoze. Hapësira midis gishtërinjve është e acaruar, e plasaritur, e skuqur dhe me rrjepje të vogla. I sëmuri ka djegie, kruarje dhe dhimbje të zonës së dëmtuar. Një tjetër formë është edhe ajo dihidratike.

Në lëkurën e këmbëve vihen re flluska me ujë më vonë mund të palëzohen dhe sjellin dhimbje. Sëmundja mund të shfaqet me forma hiperatotike. Në lëkurën e këmbëve dhe të gishtave duken shtresa të trasha, lëkura bëhet e fortë me plasaritje dhe dhimbje. Shumë shpesh shihet te gratë forma deskuamative. Dhe forma e fundit është ajo që shfaqet me rrjepje të lëkurës, që hiqen fare lehte dhe s’ka ankesa të shumta. /Telegrafi/