Luajtja e lojërave – vdekje për martesën?

A jeni të brengosur për martesën tuaj për shkak të luajtjes së lojërave? Sipas hulumtimit të bërë nga ekipi i Universitetit Brigham Young, luajtja e lojërave kompjuterike mund të dëmtoj lumturinë dhe harmoninë martesore, por thënë të vërtetën jo më shumë se cilido hobi ose aktivitet tjerë të cilin e bën një partner i çiftit duke anashkaluar kështu partnerin tjetër.

Pra, cilido aktivitet i vetmuar bën që personi tjetër të ndjehet i lënë pas dore. Edhe pse kjo është e qartë edhe në shikim të parë shkencëtarët kanë vendosur që ta verifikojnë këtë duke eksperimentuar me njerëz të vërtetë.

Kështu ata shpërndanë fletat e anketës tek 349 çifte të cilët kishin qoftë një qoftë të dy anëtarët që luajnë lojëra, ose që njëri luante më shumë se tjetri.

Rezultati vërtetoi se çiftet tek të cilët vetëm një anëtarë luan, e tjetri jo kanë prirje për grindje dhe atë pikërisht rreth lojërave dhe luajtjes.

Për çiftet ku të dy partnerët luanin, por që kësaj ia kushtonin sasi të ndryshme të kohës, ata që luanin më pak në 52% të rasteve kishin qëndrim pozitiv rreth luajtjes së lojërave në martesë, e ata që kalonin më shumë kohë duke luajtur (pra, meshkujt) – madje në 57% të rasteve kishin fjalë të mira për luajtjen e lojërave në martesë. Krejtësisht 74% të çifteve të cilët luajnë lojëra online thënë se ky aktivitet i kontribuon kualitetit të martesës.

Por, përfundimi i studimit është paksa i pazakontë – sa më shumë që njëri partner të jetë i kënaqur me kualitetin e luajtjes online, aq më shumë ka gjasa që partneri tjetër të jetë më pak i kënaqur. Mirëpo, koha e shpenzuar në luajtjen e lojërave nuk luan rol në (mos)kënaqjen e partnerit tjetër.

Shkurtimisht, nëse bile së paku kënaqeni online, do të jeni të urryer. /Telegrafi/