Linjë e veshjeve nga Kellan Lutz

Aktori Kellan Lutz, i cili është i njohur për rolin e Emmett Cullen në filmat e njohur "The Twilight Saga", e ka lansuar koleksionin e parë të tij të modës, duke iu bashkuar kështu një numri të madh të kolegëve aktorë, të cilët e kanë shijuar botën e modës.

Lutz koleksionin e ka realizuar në bashkëpunim me Daniel Guez, themeluesin e brendit “Dylan George”.

Koleksionin e tij të parë të modës, aktori e ka quajtur “Abott + Main”, ndërsa në mënyrë që ta promovojë sa më mirë atë, e ka xhiruar një editorial joshës, të cilin e ka pasur shumë të lehtë, duke qenë se karrierën e ka filluar si manekin.

26-vjeçari tërheqës e ka treguar trupin e tij muskulor duke u fotografuar vetëm me xhinse, ndërsa në fotografitë provokuese krahas tij është edhe një bionde seksi.

“E dua modën. Kjo ka qenë një përvojë e bukur, nuk dua që vetëm të jem fytyra reklamuese e ndonjë brendi”, ka thënë Kellan

Në bashkëpunim me Guez, aktori ka krijuar linjë të brekëve, bluzave klasike pa krahë dhe xhemperëve, të cilët në radhë të parë u dedikohen meshkujve të rinj. /Telegrafi/