​Limaj e quan antikushtetues vendimin e Qeverisë për kufizimin e lëvizjes së qytetarëve

Kryetari i Nismës Socialdemokrate, Fatmir Limaj, ka reaguar pas vendimit të Qeverisë për kufizimin e lëvizjes së qytetarëve, duke e quajtur sulm në rendin kushtetues.

Ai ka thënë se në asnjë rast dhe në asnjë ligj qeveria nuk ka të drejtë të marrë masa apo të shpallë masa që i ka përshkruar në vendim.

Limaj ka kërkuar nga qeveria urgjentisht ta shfuqizojë këtë vendim kushtetues.

Lexo po ashtu Qeveria me masa të reja ndaj COVID-19, kufizohet lëvizja e qytetarëve dhe automjeteve

Postimi i Limajt:

“Qeveria e Kosovës me vendimin e sotëm për kufizimin e lëvizjes ka uzurpuar pushtetin që nuk i takon, si dhe ka shkelur dhe përjashtuar të drejtat e qytetarëve.

Në fakt, ky është sulm në rendin kushtetues të Kosovës. Masat e tilla janë të parapara se si mund të merren, pra Neni 56 dhe 131 i Kushtetutës së Kosovës.

Në asnjë rast dhe në asnjë ligj qeveria nuk ka të drejtë të marr apo të shpall masa të tilla siç i ka përshkruar në vendim. Prandaj, k ërkoj nga qeveria që urgjentisht ta shfuqizoj këtë vendim antikushtetues dhe të kthej qeverisjen brenda kuadrit ligjor e kushtetues. Për çfarëdo masa që merr duhet të respektoj procedurat ligjore dhe kushtetuese”, ka shkruar Limaj. /Telegrafi/