Libër për resurset natyrore

Në Odën Ekonomike të Kosovës (OEK), të mërkurën u promovua botimi anglisht i librit të prof. Ismet Gusia “Resurset Natyrore – si Faktorë Determinues të Zhvillimit Ekonomik”.

Kryetari i OEK-ut, Safet Gërxhaliu tha se personaliteti dhe vepra e Ismet Gusisë janë pjesë të pandashme të teorisë bashkëkohore ekonomike në vendin tonë. “Ato janë një nga gurrë- themelet e kësaj teorie. Ato e luajnë rolin e ndriçuesit që e tregon drejtimin dhe rrugën në të cilin duhet të shkoj shkenca jonë ekonomike. Ato e themelojnë ekspertizën të cilën shkenca e jonë ekonomike duhet të aplikoj që të jetë në funksion të zhvillimit domethënës ekonomik të vendit tonë”, tha kryetari Gërxhaliu.

Ai theksoi se figura e Ismet Gusisë, vepra e tij dhe insistimi i tij këmbëngulës që shkenca duhet ta ketë fjalën e vet për vendime madhore ekonomike dhe për strategjinë ekonomike të vendit tonë – edhe sot kanë një rëndësi të jashtëzakonshme për vendin tonë që po kalon nëpër krizë të thellë ekonomike. “Analiza e thuktë dhe brilante e Ismet Gusisë rreth potencialeve me të cilat disponon Kosova është jashtëzakonisht e qëlluar dhe e dobishme edhe sot – më tepër se dyzet vjet pas hartimit e veprës “Resurset Natyrore – si Faktorë Determinues të Zhvillimit Ekonomik”.

Gërxhaliu theksoi se vepra e profesor Gusisë e ka promovuar për të paren herë publikisht qasjen e cila nuk mbështjellët me petkun politik në kërkim të përgjigjes për sfidat ekonomike të Kosovës, por zgjidhjen për zhvillimin e nevojshëm politik e kërkon te rezervat e brendshme dhe potencialet me të cilat disponon Kosova. Kjo qasje ka një rëndësi të jashtëzakonshme edhe sot.

“Sepse, vetëm kur në vendimet tona me peshë dhe rëndësi të madhe ekonomike për vendin tonë e inkorporojmë shkencën dhe i bazojmë në analiza të mirëfillta ekonomike, sikurse ajo e profesorit të ndjerë Ismet Gusia, do të krijojmë kushte që resurset natyrore të Kosovës ti bëjmë faktorë determinues për zhvillimin ekonomik të Kosovës”.

Për veprën e profesorit Gusia me shume ngrohtësi folën edhe profesorët Musa Limani, Halim Gjergjizi, Abdullah Karjagdiu dhe publicisti Ramiz Kelmendi. /Telegrafi/