Kush e bëri lider Isa Mustafën?

Isa Mustafa mund të jetë një ekonomistë i mirë, por në praktikë po demonstron se është një politikan i dobët.

Ka do kohë që Isa Mustafa është konfrontua me kreun e PDK, duke fillua nga thirrjet e tij për prishjen e koalicionit PDK/LDK dhe duke kaluar më vonë në akuza ndaj vet kryetarit të PDK.

Isa Mustafa si kuadër ekonomist u shqua në kohen regjimit jugosllav, por ai kurrë nuk doli jashtë caqeve të profesionit të vet. Ky fakt e ruajti atë të mos komprimitohet para opinionit.

Si ministër i financave në qeverinë e LDK në emigracion ai ishte tatimbledhësi Nr. 1. Andaj ai ka dijeni për të gjitha parat e plaçkitura përmes të 3% dhe përmes të mashtrimeve që u benë përmes “letrave me (pa) vlerë”, në emër të ndihmave për luftën në Drenicë.

Fati i atyre qindra milionëve nuk dihet as tani. Sikur që nuk dihet edhe fati i atyre qindra milionave të tubuara nga “Vendlindja Thërret” që tani po i shohim përmes milionerëve (profiterëve) të ri qe kanë pas qasje në këto fonde.

Isa Mustafa ishte në elitën e LDK, nga kur ajo konvertoi nga ish LKJ dhe ish LSPPJ në LDK. Ishte koha kur në Serbi kundër Kosovës u bën bashkë çetnikët dhe komunistët serbë. Prandaj, edhe në Kosove LDK, e cila u regjistrua në Beograd si “Shoqatë”, në Kosovë u shndërrua në front ose në lëvizje të përgjithshme popullore ku të burgosurit politik ishin lokomotivat kryesore të organizimit të saj.

Kështu që nga fillimi brenda LDK ekzistonin krahu “KUQ E ZI” i përberë nga patriotët dhe krahu “BLU, BARDH E KUQ” i ish komunistëve titist. Kjo ndarje brenda LDK ekziston edhe sot. Isa Mustafa edhe tani po vazhdon të paraqitet me ngjyrat e ish flamurit jugosllav “BLU, BARDH E KUQ”!

Për shkak se krahu i disa profiterëve të luftës vërshuan në Prishtinë pas 1999 dhe nuk lan gjë te keqe pa bë, qytetaret e Prishtinës e mbështetën LDK si formë e mbrojtjes nga bandat rurale të profiterëve të Luftës.

Konkretisht Isa Mustafa e ka mbështetjen në Prishtinë si gollakas e jo si LDK. Prishtina nuk pat tjetër rrugë të mbrojtjes nga invazion i disa keqbërësve të Drenicës, të Llapit e Dukagjinit prandaj e mbështeti e do ta mbështet Isa Mustafen deri sa te del një gollakas tjetër në skenën politik.

Duhet pas të qartë të gjithë, se Prishtina dhe Gollaku kanë shumë respekt për Drenicën, Dukagjinin e Llapin dhe se fjala është vetëm për mbrojtjen nga keqbërësit nga këto krahina qe erdhën pas 1999 në Prishtinë dhe nuk lan gjë pa bë me pretendime që të drejtojnë Prishtinës. Kjo është absurde sepse as Drenica as Dukagjini dhe as Llapi nuk do te pranonin qe një gollakas të bëhet kryetare në komunat e tyre. Vëllezër jem, por secili zot shtëpie ne shtëpinë e vet.

Pra, Isa Mustafa duhet ta din se nuk e kanë sjell në krye të Prishtinës votat e LDK, por votat e Gollakut. Kjo do me thë në se Prishtina nuk e mbështetë fare LDK, por vetëm Isa Mustafën! Prandaj, Isa Mustafa duhet ta kupton se nëse nuk distancohet nga krahu i LKJ brenda LDK dhe nga ngjyrat e flamurit jugosllav, ta dinë se kungulli i tij nuk do të shkoj gjatë mbi ujë. LDK duhet të ndahet nga LKJ dhe nga rugovizmi titist, sepse aty është shpëtimi! Pra, vetëm një LDK “KUQ E ZI” ka gjasa të mbijetojë në politikë! Nëse Isa Mustafa dëshiron të bëhet lider i mirëfilltë, ai duhet të distancohet edhe nga Plani dhe flamuri kolonial i Ahtisarit!

Nëse Isa Mustafa nuk i kupton këto fakte shumë shpejt ka me u fundos politikisht bashkë me LDK!