Kosovës i mungon një bankë italiane

Komisioni Evropian do të mbështes prioritetet e Kosovës, siç janë ato të bujqësisë, energjisë, edukimi dhe punësimi, tha shefi i Zyrës së Bashkimit Evropian në Prishtinë Samuel Zbogar. Këtë Zbogar e tha në një punëtori të organizuar nga Ambasada e Italisë në Kosovë, ku po ashtu u fol për eksperiencën italiane për qasje në kredi.

“Mirëpres atë çka ju jeni duke bërë dhe mund të llogarisni se prioritet tuaja janë po ashtu prioritet tona, të Bashkimit Evropian në Kosovë, sepse ne kemi të njëjtat synime dhe në fund dua ta përmend se ju mund po ashtu të llogarisni edhe në përkrahjen e Këshillin e Investitorëve të Bashkimit Evropian, i cili është themeluar këtu vitin që shkoi në mënyrë që t’i sjellë investitorët e Bashkimit Evropian bashkë për të ndihmuar vetën dhe Kosovën për të tërhequr më shumë investitor”, ka thënë Zbogar.

Të pranishmit në këtë tryezë thanë se problemet e Kosovës nuk mund të zgjidhen pa zhvillimin ekonomik.

Andreas Ferrarese,ambasadorë i Italisë në Kosovë, ka thënë se kjo konferencë do të ndihmoj në forcimin e marrëdhënieve dhe në ngritjen e bashkëpunimit të zhvillimit ekonomik të Kosovës.

Ndërsa, Blerand Stavileci, ministër i Zhvillimit Ekonomik, ka thënë se si një shtete i vogël me mundësi të shumta duhet në periudhën e ardhshme në radhë të parë t’i japim përparësi sektorit privat. “Pa zhvillimin e sektorit privat është po thuajse e pa mundur që të arrihen ritme të lara të zhvillimit ekonomik e ajo për neve është krye fjalë edhe në kuadër të programit të qeverisë”, ka thënë ai.

Memli Kransinqi, ministër i bujqësisë ka thënë se përkushtimi i qeverisë është zhvillimi i bujqësisë, gjë që Qeveria ka orientuar pjesën më të madhe të investimeve në këtë sektorë. “Përkushtimi i Qeverisë dhe kujdesi më i madh në kuptimin edhe buxhetor edhe programorë për bujqësinë, duke e kthyer ate në gjeneratorin kryesorë të rritjes ekonomike në Kosovë”, ka thënë Krasniqi.

Kurse, Bedri Hamza, guvernator i Bankës Qendrore të Kosovës, ka thënë se Kosova ka pasur një normë të rritjes ekonomike mbi 3%. “Është një ambient i përshtatshëm për sektorin financiar, vetëm vitin e kaluar ne kemi pasur investitorë të rinj edhe në fushën e bankave edhe në fushën e sigurimeve dhe besoj që deri tani Kosovës i ka munguar ndonjë bankë me kapital Italian dhe shpresojmë që në të ardhmen të kemi prezencë dhe shpresojmë që fokusi i kredi dhënies i kësaj banke të jetë sektori i prodhimit dhe sektori agrar”, ka thënë Hamza.

Ndërsa, Sara Ferrari, përfaqësuese e zyrës së Qeverisë Autonome të Trentos, ka thënë se qëllimi i Trentinos është që t’i japin vlerë marrëdhënieve të Trentinos me territore të ndryshme. Ajo këtë deklarata e ka dhënë sot në zyrat që u hapen në Prishtinë. /Telegrafi/