Kosovës i duhen zonat e lira tregtare dhe klimë e përshtatshme fiskale

Popullsia e re si në Kosovë rrallë gjendet diku tjetër, dhe kjo është garanci që ata të rinjë do të ishin prodhues të mirë dhe cilësorë, si dhe Kosova ka prodhim shumë të vogël vendor dhe është një mundësi e madhe për ardhjen e investitorëve Italian në Kosovë. Kështu u tha gjatë takimeve që pati në Itali me Italian Trade Agency dhe Confindustria, nënkryetari i Aleancës Kosovare të Biznesit, Skënder Krasniqi.

AKB, këto ditë pati takime të nivelit të lartë, në Romë, me dy institucionet kryesore që përkrahin dhe ndihmojnë në zhvillimin e bizneseve vendore dhe investitorëve të jashtëm në Itali, si dhe të investitorëve italian jashtë territorit të tyre.

Nënkryetari i AKB-së, në dy takime të ndara me Italian Trade Agency dhe Confindustria, prezantoj situatën aktuale të bizneseve në vend, dhe misionin primar të Aleancës, që është investimi në prodhim, ndërtimin e partneritetit të qëndrueshëm me qëllim të rritjes së punësimit dhe plotësimit të kërkesave të konsumatorëve.

Daniel Kraus, Zëvendës Drejtor i Përgjithshëm i Confindustria, i tha Krasniqit se investitorët e jashtëm duan siguri dhe garanci politike dhe ekonomike në Kosovë. “Investimet e huaja në Kosovë, deri me tani janë shumë pak. Kosova ka prodhim shumë të vogël vendor, dhe kjo tregon për një disbalanc të madhe me kërkesën e qytetarëve atje. Të gjitha këto tregojnë se vendi juaj duhet urgjentisht të krijoj kushte të favorshme për bizneset e huaja, dhe tua jap garancinë politike”, tha Kraus.

Sipas numrit dy të Confindustria, fajet e mos investimeve në Kosovë janë tek vetë institucionet e vendit, të cilat deri tash nuk kanë gjetur format dhe dyert e duhura të promovimit dhe kërkimit të investuesve potencial.

Përndryshe Confindustria, me qendër në Romë të Italisë, është organizatë e themeluar që në vitin 1910, e cila përfaqëson industritë e prodhimit, ndërtimit, energjisë, transportit, ITC, turizëm dhe shërbimeve në të gjithë Italinë. Konfindustria është shoqata kryesore përfaqësuese e ndërmarrjeve të prodhimit dhe shërbimeve në Itali, me një bazë, me anëtarësim vullnetar, e cila ka rreth 150 mijë ndërmarrje të të gjitha dimensioneve, për një total prej 5.434.352 punësuarve.

Nënkryetari i AKB-së, Skënder Krasniqi, pati takim edhe me disa nga drejtuesit e Italian Trade Agency e cila ka zyre edhe ne Tiranë, Filippo Lanciotti, drejtor i zyrës për komunikim me jashtë dhe znj. Gabriela Lombardi, drejtoreshë e ITA-së në Tiranë.

ITA, gjithashtu ka zyrën qendrore në Romë, dhe mbi 100 zyra të tjera në mbarë botën, dhe është themeluar si organizatë qeveritare e cila promovon ndërkombëtarizimin e kompanive italiane, në përputhje me strategjitë e Ministrisë për Zhvillim Ekonomik, jep informacion, mbështetje dhe këshilla për kompanitë italiane dhe të huaja.

Drejtori i zyrës për Komunikim dhe Marrëdhënie të Jashtme në ITA, Lanciotti, i tha Krasniqit se organizata e tyre është e interesuar që Kosovës ti ofrojë mundësi për afrim me bizneset e mëdha, duke promovuar format dhe llojet e investuesve potencial.

Nënkryetari i AKB-së, në të dyja takimet, kërkoj dhe ofroj forma të bashkëpunimit konkret përtej formave të promovimit. Nga të dy takimet u vendos që të shkohet më tutje me thellimin e marrëdhënieve me AKB-në, për krijimin e mundësive të reja në prurjen e investitorëve të huaj në Kosovë.

Takime me ITA dhe Confindustria u realizuan në përkrahje të Ambasadës Italiane në Kosovë. /Telegrafi/