Kosova mund të bëhet anëtare e Organizatës Botërore për Tregti (OBT), por kjo varet nga plotësimi i kritereve përshtatur standardeve të Bashkimit Evropian.
Ministria e Tregtisë dhe Industrisë është në proces të përgatitjeve të dokumenteve për anëtarësim në OBT.
Vjollca Dibra , këshilltare për media në Ministrinë e Tregtisë dhe Industrisë (MTI), thotë se anëtarësimi në OBT është një proces i gjatë dhe kërkon përmbushjen e shumë standardeve, një pjesë e të cilave do të përmbushen gjatë përgatitjes së Kosovës për anëtarësim në Bashkimin Evropian. Ajo nuk ka dhënë detaje se cilat janë standardet që duhet të plotësoj Kosova.
“Ministria e Tregtisë dhe Industrisë është në përgatitje të dokumenteve për anëtarësim në Organizatën Botërore të Tregtisë. Anëtarësimi në Organizatën Botërore të Tregtisë është një proces i gjatë dhe nuk mund të përfundohet shumë shpejtë, megjithatë kërkon përmbushje të disa standardeve . Duhet të dimë që një pjesë e këtyre standardeve duhet të përmbushet në procesin e përgatitjes për anëtarësim në Bashkimin Evropian . Një pjesë e standardeve duhet të përmbushet edhe nga ne si Ministri e Tregtisë dhe Industrisë, por një pjesë e tyre duhet të përmbushet në rrugëtimin e Kosovës në anëtarësimin e saj në Bashkimin Evropian”, ka thënë Dibra.
Ndërkohë, Ibrahim Rexhepi, njohës i çështjeve ekonomike, thotë se Kosova do të ketë disa përparësi në anëtarësimin e saj në këtë organizatë, por që sipas tij, anëtarësimi i jep Kosovës edhe përgjegjësi.
“Sa i përket anëtarësimit në Organizatën Botërore të Tregtisë, përparësia dhe e mira që do të përfitonte Kosova është se do të bëhemi pjesë e një grupi shumë të madh të vendeve me të cilat mund të kyçet në garën për relacionet tregtare globale. Mirëpo është edhe një çështje tjetër që mund të paraqitet edhe si përgjegjësi dhe detyrim i Kosovës, respektimi i kritereve dhe standardeve mbi të cilat bazohemi në raporte dhe zhvillimi i relacioneve në tregtinë globale. Kështu që kjo ndoshta është e mirë nëse shfrytëzohet vetëm si nxitje për të avancuar si standardet edhe format e komunikimit dhe të bashkëpunimeve ndërkombëtare, dhe tek atëherë Kosova mund të llogaritet si një anëtare e cila mund të jetë konkurrente si në organizatën Botërore të Tregtisë edhe në tregun global”, tha ai.
Rexhepi po ashtu beson se kjo do të na mundësonte inkuadrimin në ndarjen e tregut ndërkombëtar.
Arian Zeka, kryetar i Odës Ekonomike Amerikane, thotë se përfitimet e Kosovës nga kjo Organizatë do të jenë rregullat e një tregtie fer mes shteteve të ndryshme të botës. “Duke e ditur që kjo organizatë merret me promovimin e rregullave të një tregtie fer në mes të shteteve të ndryshme anë e mban botës, atëherë natyrisht se ky është ai benifiti kryesor për Kosovën”, ka thënë Zeka.
Zeka ka shtuar se anëtarësimi i Kosovës në OBT do të na mundësonte rritjen e njëfarë fuqie negociuese në aspektin e tregtimit me shtete e tjera, meqë kjo është edhe pika ku kemi ngecur. Sipas tij Kosova po ashtu ka pasur pengesa të ndryshme të cilat i janë vënë në tregtimin me shtete e rajonit. “Me Shqipërinë, Maqedoninë, kështu që unë besoj se pikërisht këtë mundësi ose këtë fuqi negociuese do ta rriste Kosova. Edhe me anëtarësimin në organizatën Botërore të Tregtisë ky është ai benefiti më i përgjithshëm e më kryesor të cilin unë e shoh”, ka thënë Zeka.
Ndryshe sipas të dhënave të OBT-së çdo shtet apo territor doganor, duke pasur autonomi të plotë në kryerjen e politikave të saj tregtare, mund të bëhet anëtar (“të aderojë në”) Organizatën Botërore të Tregtisë, por të gjithë anëtarët e OBT-së duhet të bien dakord mbi kushtet. Kjo bëhet përmes krijimit të një grupi punues të anëtarëve të OBT-së dhe përmes një procesi të negociatave.
Përndryshe, Kosova ende mbetet peng i pesë shteteve anëtare të Bashkimit Evropian edhe në rastin e anëtarësimit në OBT. /Kosovapress/Telegrafi/
Promo
Reklamo këtuLufta Prigozhin - Putin
Më shumë![Kush tha që pushimet verore kanë mbaruar? Shtatori vie me oferta që nuk duhet t'i humbisni asesi](https://telegrafi.com/wp-content/uploads/2024/09/456409421_462717886765475_4448372711308721829_n-780x439.png)
Kush tha që pushimet verore kanë mbaruar? Shtatori vie me oferta që nuk duhet t'i humbisni asesi
![EBC vjen me zbritjen e madhe vetëm një ditore në blerjet online](https://telegrafi.com/wp-content/uploads/2024/09/unnamed-4-780x439.jpg)
EBC vjen me zbritjen e madhe vetëm një ditore në blerjet online
![Pauza të këndshme, shije të jashtëzakonshme - Pashteta MEKA](https://telegrafi.com/wp-content/uploads/2024/09/Meka-Halal-Food-66-e1725261147481-780x439.jpg)
Pauza të këndshme, shije të jashtëzakonshme - Pashteta MEKA
![Këto kompani të mëdha po ju kërkojnë – A jeni gati për një sfide të re?](https://telegrafi.com/wp-content/uploads/2024/08/Telegrafi-Jobs-780x439.png)
Këto kompani të mëdha po ju kërkojnë – A jeni gati për një sfide të re?
![Mos e humbisni mundësinë e fundit për të fituar një Vespa të re nga Auto Mita](https://telegrafi.com/wp-content/uploads/2020/08/456574877_822485843415517_2944535844171559239_n-1-780x439.png)
Mos e humbisni mundësinë e fundit për të fituar një Vespa të re nga Auto Mita
![Edhe pak ditë na ndajnë nga ndarja e shpërblimeve nga loja e Emona Center](https://telegrafi.com/wp-content/uploads/2024/06/Emona-Center-1-780x439.jpg)
Edhe pak ditë na ndajnë nga ndarja e shpërblimeve nga loja e Emona Center
![Investoni në të ardhmen tuaj – bli banesë në ‘Arbëri’ tani! ID-140](https://telegrafi.com/wp-content/uploads/2024/02/Screenshot-2024-02-20-142648-380x233.png)
Investoni në të ardhmen tuaj – bli banesë në ‘Arbëri’ tani! ID-140
![Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254](https://telegrafi.com/wp-content/uploads/2024/02/1a-1-380x233.jpg)
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
![Ideale për zyre – në qendër të Prishtinës lëshohet banesa me qira ID-253](https://telegrafi.com/wp-content/uploads/2024/02/DSC00994-380x233.jpg)
Ideale për zyre – në qendër të Prishtinës lëshohet banesa me qira ID-253
![Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123](https://telegrafi.com/wp-content/uploads/2023/07/foto-kryesore-per-tlgre-380x233.jpg)
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
![Krijo hapësirën tënde të biznesit – zyre me qira te 4 Llulat – 300€/muaj ID-252](https://telegrafi.com/wp-content/uploads/2024/02/Template-per-Instagram-380x233.jpg)
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
![Të shtëna me armë zjarri në Prishtinë, pesë të plagosur dërgohen në QKUK](https://telegrafi.com/wp-content/uploads/2024/09/te-shtena-780x439.jpg)
Të shtëna me armë zjarri në Prishtinë, pesë të plagosur dërgohen në QKUK
![Mysafirët nga Serbia e njoftojnë Kurtin: Beogradi po planifikon zhvendosjen e serbëve të Kosovës për në Sanxhak](https://telegrafi.com/wp-content/uploads/2024/09/Kurti-biserko-780x439.jpg)
Mysafirët nga Serbia e njoftojnë Kurtin: Beogradi po planifikon zhvendosjen e serbëve të Kosovës për në Sanxhak
![Super gol i Edon Zhegrovës përballë PSG-së](https://telegrafi.com/wp-content/uploads/2024/09/Screenshot-2024-09-01-224825-780x439.png)
Super gol i Edon Zhegrovës përballë PSG-së
![Aktorja e famshme turke ka rrënjë shqiptare - flet me krenari për veshjet dhe ushqimet tradicionale](https://telegrafi.com/wp-content/uploads/2024/09/Screenshot_25-780x439.png)
Aktorja e famshme turke ka rrënjë shqiptare - flet me krenari për veshjet dhe ushqimet tradicionale
![Formë e re e presionit ndaj Netanyahut - grevë e përgjithshme, ‘paralizohet’ gjithçka në Izrael](https://telegrafi.com/wp-content/uploads/2024/09/lcimg-04811ac9-e9b9-4397-aa98-b03475350de8-780x439.jpeg)
Formë e re e presionit ndaj Netanyahut - grevë e përgjithshme, ‘paralizohet’ gjithçka në Izrael
![Vrapi me pengesa i turizmit në Shqipëri: Rritja e pajustifikuar e çmimeve la shezlongët bosh](https://telegrafi.com/wp-content/uploads/2024/09/turizmi-780x439.jpg)
Vrapi me pengesa i turizmit në Shqipëri: Rritja e pajustifikuar e çmimeve la shezlongët bosh