Komisioni: Tregu i derivateve pjesë e krimit të organizuar

Tregu i derivateve mbetet pjesë e krimit të organizuar, meqë konsiderohet biznes i shtrenjtë dhe ky treg që nga pas lufta është i pa rregulluar. Kështu u tha në Komisionin Parlamentar për Zhvillim Ekonomik gjatë shqyrtimit të Projektligjit për derivatet.

Në Komision nga anëtarët u tha se ky projektligj i cili u prezantua nga ministrja e Tregtisë dhe Industrisë Hykmete Bajrami nuk e precizon çështjen e kontrollit të derivateve, dhe nuk e rregullon liberalizimin e këtij tregu.

Pra me këtë projektligj mbizotëron monopoli ngase janë vetëm dy – tre operatorë që e mbizotërojnë të gjithë tregun e naftës.

MTI-ja ka paraparë që me këtë projektligj që importues të derivateve duhet të jenë vetëm ata operator të cilët posedojnë deponi të mëdha.

Edhe drejtuesi i shoqatës së naftëtarëve për KosovaPress kundërshtoi këtë projektligj saktësisht nenin 5 të këtij projektligji.

Komisioni sot ka shqyrtuar dhe miratuar projektligjin për Siguri në komunikacion, deputetët konsideruan se projektligji rregullon dhe ngritë sigurinë në komunikacion, por kërkuan nga Ministria e Infrastrukturës që të jetë më e rreptë në kontrolle tek operatorët që bëjnë kontrollin e automjeteve se viteve të fundit është rritur numri i viktimave në komunikacion nga aksidentet. /Telegrafi/