Klubi i themeluar në një kafene nëntë vjet më parë bëri histori në garat e Evropës duke marr fitoren e parë – nëse e kalon raundin takohet me Baselin

Ditën e djeshme klubi nga Gjibraltari, FC Magpies ka shënuar fitore në paraqitjen e tyre debutuese në garat evropiane, gjë që ka qenë arsyeja që shumë media evropiane kanë pyetur se kush janë në të vërtetë “Magpies”.

Dhe historia e Magpies është shumë interesante, pasi klubi u themelua nëntë vjet më parë në një kafene.

Louis Perry, i cili u përpoq pa sukses të kishte një karrierë si futbollist profesionist në Angli, mbërriti në Gjibraltar në vitin 2010 si 18-vjeçar kur gjyshërit e tij blenë kafenenë e Brunos.

🏆 Europa Conference League

First qualifying round first leg – Result

⚽️ @BrunosMagpies 2-1 @CrusadersFC

Jordan Forsythe scores as Crusaders fall to a
2-1 defeat in the @europacnfleague first round qualifier in Gibraltar.

— BBC SPORT NI (@BBCSPORTNI) July 7, 2022

Ai luajti futboll amator në Gjibraltar përpara se shoqata e futbollit të vendit të njihej ndërkombëtarisht, por kur UEFA e mori nën krahun e saj në 2013, kjo do të thoshte se karriera e Perryt mori fund.

Megjithatë, ai më pas kishte idenë për të formuar klubin e tij me miqtë e tij nga kafeneja i Brunos.

“Më thanë se duhej të paguaja 500 funte për regjistrimin e një klubi të ri. Unë i kërkova gjyshërve të mi nëse donin të bëheshin sponsorë, të më jepnin 500 funte dhe në këmbim t’i vihej klubit me emrin e lokalit. Ata ranë dakord dhe kështu u themelua klubi në vitin 2013”, ka treguar Perry.

Very positive comments from our Football director ❤️🇬🇮 https://t.co/jLv1FEdtxj

— FCB Magpies (@BrunosMagpies) July 7, 2022

Djemtë që vizitonin shpesh lokalin ‘Bruno’s’ luanin për klubin dhe Perry punësoi Mick Embelton, një njeri që i fliste shpesh për futbollin në kafene, si trajnerin e parë të ekipit.

Dëshira e vetme e Embeltonit ishte që në emër të klubit të përfshinte pseudonimin e Neëcastle, klubi që ai mbështet – Magpies.

Hap pas hapi, klubi përparoi dhe luajti në nivelin e dytë të futbollit të Gjibraltarit, dhe kur solli Haig Oundjian, ish-presidentin e Watford, si bashkëpronar të ekipit në vitin 2019, klubi u bë profesionist dhe fitoi një vend në ligën e parë.

https://t.co/v94oj5meK5

— FCB Magpies (@BrunosMagpies) June 18, 2022

Me kalimin e viteve, përveç miqve të Perryt, në klub filluan të luanin edhe të huaj dhe vetë Perry doli në pension për t’iu përkushtuar detyrës presidenciale.

Si skuadra e katërt sezonin e kaluar, Magpies e Brunos u kualifikuan në raundin e parë paraprak të Ligës së Konferencës dhe mbrëmë me emrin Magpies, për shkak të rregullave të UEFA-s për ndalimin e sponsorëve në emër të klubit, mposhtën Crusaders nga Irlanda e Veriut me rezultat 2-1 dhe kështu iu afrua një hap më pranë vendosjes në turin e dytë preliminar ku e pret Baseli i njohur.

Em sua estreia continental, o Bruno's Magpies surpreendeu e venceu o Crusaders, da Irlanda do Norte, por 2 a 1 em casa. Festa de um time que surgiu justamente em clima festivo: fundado em 2013 por um grupo de amigos que frequentavam o Bruno's Bar & Restaurant, em Gibraltar. pic.twitter.com/U0Sca9buTw

— Gustavo Hofman (@gustavohofman) July 8, 2022

Megjithatë, edhe nëse ata bien nga Liga e Konferencës në Irlandën e Veriut, Perry dhe miqtë e tij nga bari i Brunos mund të jenë krenarë sepse ata bënë histori dhe arritën atë që nuk mund ta kishin ëndërruar në 2013. /Telegrafi/

Would like to thank everyone that took the time to support us yesterday ❤️ special thanks to @BrunosBeAMagpie and @GibChronSports for the video ❤️🤝🇬🇮 https://t.co/Az25LuwLDy

— FCB Magpies (@BrunosMagpies) July 8, 2022