Kjo nuk është etika islame!
Pas publikimit të asaj videoje kontestuese nga një ligjëratë e hoxhë Irfan Salihut, qëllimisht nuk kam dashur që me ndonjë koment timin personal publik si qëndrim, të jem pjesë e kësaj maskarade ofendimesh të ndërsjella skandaloze, që me të madhe po shfaqen kohën e fundit nëpër mediat tona në përgjithësi, e veçanërisht nëpër rrjetet e ndryshme sociale. Kuptohet, ato si të tilla, me intensitet të njëjtë vijnë prej dy taborëve kundërthënëse: atij “laik” dhe atij fetar.
Hajde, ta zëmë se me atë fjalor skajshmërisht bastard të komunikimit, disi mund t’i kuptoj disa të pamoralshmit dhe të paedukuarit thuaja laik (jo aq fetar), të cilët, edhe tek rastet tjera tematike të reagimeve të tyre publike, shpesh janë treguar si aspak të edukuar dhe të kulturuar. Por, assesi nuk i kuptoj disa të tjerët që me të gjitha elementet e jashtme (të dukshme) të sjelljeve të tyre, në shoqëri, tregohen kinse myslimanë të vërtetë, apo edhe më keq: janë prijësit fetar të kësaj feje.
Gjithmonë kam besuar se, në një anë, të jesh me devocion mysliman i mirëfilltë dhe në çdo lloj ligjërimi (me shkrim ose fjalim), ta kesh gojën plotë me emrin e Allahut të madhërishëm dhe të pejgamberit s.a.v.s. ndërsa, në anën tjetër, me një gjuhë të paskrupullt degraduese, të shash dhe ofendosh një bashkëbisedues tëndin (ose një grup më të gjerë shoqëror) vetëm e vetë pse mendon ndryshe nga ti, kjo e tejkalon çdo normë parimore të etikës minimale islame.
Kategorikisht mendoj se nuk mbrohet e drejta islame apo e drejta e myslimanëve duke i fyer të tjerët. Përkundrazi, mënyra e tillë është jo e shëndoshë dhe aspak e mirëfilltë me parimet e saja fondamentale doktrinare. Gjithnjë duke u bazuar në Kur’an dhe Sunet, përherë ka mënyra më të mira, shembullore, për t’i këshilluar apo për t’i qortuar të tjerët ku ata e kanë keq apo janë në rrugë të gabuar, e kurrsesi përmes sharjeve dhe ofendimeve të cilat përveçse na sjellin dëm direkt individual, në përgjithësi shkaktojnë edhe irritimin e të tjerëve ndaj Islamit.
Bazuar në dijen time modeste që kam në këtë fushë (teologji), në vazhdim, me disa shembuj, pikërisht nga mësimet islame, do të tentoj ta argumentoj këtë qëndrim timin si më sipër. Natyrisht, lista e shembujve të tillë që prekin dhe rregullojnë këtë çështje në islam, duhet të jetë edhe më e madhe. Si gjithnjë, shëmbëlltyrë për sjelljet tona në jetë, të nisem së pari nga shumë virtytet e larta të vetë pejgamberit tonë, Muhamedit s.a.v.s., i cili kurrë nuk ka qenë mallkues dhe fyes ndaj të tjerëve.
Enesi radijAllahu anhu në një Hadith ka thënë: “Pejgamberi salAllahu alejhi ue selem kurrë nuk ishte i neveritshëm, e as mallkues, e as fyes ndaj të tjerëve”. Andaj, pa marrë parasysh nivelin e devocionit fetar të çdonjërit në veçanti, këto sjellje si shembull të mirë edukues, gjithsesi duhet të na shërbejnë të gjithëve (laikë e fetarë). Pastaj, në Kur’an Allahu i lartësuar thotë: “Ti (Muhamedi s.a.v.s) ishe i butë ndaj atyre, ngase All-llahu të dhuroi mëshirë, e sikur të ishe i vrazhdë e zemërfortë, ata do largoheshin prej teje…” (Ali Imran -159).
Në fund, sado që të ballafaqohesh me një të keqe në jetë, islami të mëson për durim. Pejgamberi s.a.v.s. ka thënë: "Dije se fitorja vjen me durim!" dhe: "Njeriut nuk i është dhënë dhuratë më e madhe në këtë dynja se durimi". Andaj, durimi në islam është dritë e besimtarit e cila e udhëheqë atë në errësirat e sprovave, brengave dhe fatkeqësive të ndryshme me të cilat ballafaqohen gjatë jetës.
Krejt në fund, mos të harrojmë se njëri prej emrave të bukur të Zoti është es-Sabur – Durimtari, dhe mjafton që ne të pajisemi me bukurinë e këtij emri. Mu për këtë shkak, jo rastësisht Allahu i Madhërishëm termin durim në Kur’an e ka përmendur 90 herë.
Promo
Reklamo këtuLufta Prigozhin - Putin
Më shumë
Zbulohen prapaskena befasuese: Me vetëm një telefonatë, Perez ndikoi që dy lojtarë të Barcelonës ta kalojnë regjistrimin

Ndodhet akoma në Big Brother - publikohet data e koncertit të parë të Gjestit

'Objektivi më i afërt': Pse Donald Trump është kaq i fokusuar në Kanadanë?

Ulet pranë Gjestit, Xheneta: Dikush m’i ka puthur këta gishta të këmbës

Ishte apo jo prekje e dyfishtë nga Alvarez? TNT Sports publikon pamje të reja për t'u dhënë fund debateve

Masakra e Kralanit, e vërteta e dhimbshme e Sheremet Ismajlit - shpëtoi të birin duke marrë vendin e tij në pushkatim

104.5m² komfort – Banesë luksoze me pamje tërheqëse për zyret e juaja

Investoni në të ardhmen tuaj – bli banesë në ‘Arbëri’ tani! ID-140

Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254

Ideale për zyre – në qendër të Prishtinës lëshohet banesa me qira ID-253

Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123

Për vetëm 29.95€ me Telegrafi Deals dhe Melodia PX, këto patika bëhen tuajat!

Marrëveshje: Melodia Px dhe Telegrafi Deals janë dakordu që atletet Nike për femra ti ofrojnë për vetëm 69.95€, deri më 09 mars!

A do të shihemi në Balkan eCommerce Summit 2025?

Ekskluzivisht në Telegrafi Deals – Nike REAX nga 101€ në 79.95€!

Çfarë do të thotë DeepSeek AI për marrëdhëniet e SHBA me Kinën?
Më të lexuarat

Ndodhet akoma në Big Brother - publikohet data e koncertit të parë të Gjestit

Zbulohen prapaskena befasuese: Me vetëm një telefonatë, Perez ndikoi që dy lojtarë të Barcelonës ta kalojnë regjistrimin

Ishte apo jo prekje e dyfishtë nga Alvarez? TNT Sports publikon pamje të reja për t'u dhënë fund debateve

Diego Simeone i la të gjithë pa fjalë për pyetjen që bëri në konferencë për media

Ulet pranë Gjestit, Xheneta: Dikush m’i ka puthur këta gishta të këmbës

Republika Serbe miraton një draft të kushtetutës së re - shtet brenda shtetit të Bosnje dhe Hercegovinës