Kënga e Gold AG temë e mediave serbe (Foto/Video)

YouTube e ka bllokuar klipin e këngës “Pushka e lirisë” të reperit shqiptar, Arian Agushi, në të cilën “në mënyrë brutale vret policët serbë”, një ditë pas paralajmërimit të serbëve nga Kosova se kënga është ofenduese, e rrezikshme dhe bën thirrje të drejtpërdrejtë për dhunë – kështu e nis artikullin Blic, kushtuar këngës më të re të Gold AG.

https://www.youtube.com/watch?v=GcTgqpvegos

Më tej, thuhet se prefekti i Mitrovicës Veriore, Goran Rakiq, i kishte paralajmëruar institucionet e Kosovës se “Pushka e lirisë” prezanton thirrje direkte për dhunë.

“Sipas rregullave të përdorimit të këtij rrjeti, YouTube ka të drejtën e largimit ose bllokimit të përmbajtjeve që promovojnë dhunë dhe përhapin gjuhën e urrejtjes”, shkruan Blic.

Ndryshe, pas deklaratave të Rakiq, Gold AG sqaroi se kënga në bashkëpunim me Hysni Klinakun i është kushtuar heroit Zahir Pajaziti dhe se klipi ka përmbajtje të asaj çfarë ka ndodhur në kohën kur ky hero ka luftuar dhe nuk ka të bëjë asgjë me aktualitetin dhe se videoja është e improvizuar.

Ai ka sqaruar se kënga është raportuar nga serbët dhe prandaj ky projekt është kthyer në privat.

Ndërkaq, shkrimeve nëpër mediat serbe u është përgjigjur me fjalët se kush po thotë se serbët nuk dëgjojnë rep, për të vazhduar: “Besën ta kam dhënë o vendi im, kurrë s’kam me të korit”.

Derisa një ditë më parë kishte shkruar: “Një Serbi është çuar në këmbë për këngën e Zahir Pajazitit”. /Telegrafi/