Katër rregulla për mirëmbajtjen e xhinseve

Po deshët që xhinset që i keni për qejfi të qëndrojmë sa më shumë, p.sh. ato në të cilat ndiheni seksi dhe shtatgjatë, përmbajuni rregullave për mirëmbajtje të rrobave nga materiali teksas. Këto rregulla të thjesht mund t’ua zgjasin jetën pantallonave që i preferoni.

Mos i lani në ujë të valuar
Larja e teksasit në ujë të valuar apo në 90 gradë në makinë i dëmton fijet e materialit. Më mirë është që rrobat nga materiali teksas të lahen të kthyera mbrapsht dhe në ujë të ftohtë. Sapo t’i lani, shkundni disa herë dhe varini që të thahen.

Mos i hekurosni
Pos gjatë larjes, rrobave nga materiali teksas nuk u bën mirë as hekurosja në temperaturë të lartë, sepse mund ta ndryshojnë ngjyrën, mund të shfaqen njollat, të shkaktohen rrudha të shëmtuara.

Mbajini larg nga dielli
Për të mos iu zbehur ngjyra, rrobat nga materiali teksas është më mirë të mos i lani në shtëpi, por t’i dërgoni te profesionistët për pastrim kimik.

Gjithashtu, këshilla tjetër është që të mos i mbani në vendet ku mund t’u ekspozohen drejtpërdrejt rrezeve të diellit, të cilat mund t’jua zbehin modelet që i keni më së shumti për qejfi. /Telegrafi/