KAOS-i i piktorit Gembi Xërxa ku ngjyrat bëhen mbret i lojës

Piktori Gembi Xërxa, më 12 Dhjetor 2015 sjellë ekspozitën personale të katër me radhë me tematikën “KAOS-i”.

Piktori në lidhje me temën shprehet se Kaosi i tijë është i bukur dhe vjen si inspirin i vet Kaosit nga dhe kemi ardhur ne: “Kaosin e shoh si një udhëkryq, nuk besoj se ështe i keq, unë besoj se ne e kemi prejardhjen nga kaosi, është një konflik që ndodh brenda saj dhe në atë konflik ndodhë jeta, unë mendoj se vet njeriu ka lindur nga kaosi”- shtoi Gembi.

Ndërsa kuratori i kësaj ekspozite Ilir muharremi për pikturat e Gembit shpreh: “Tablotë e piktorit Gemb Xërxa janë përplot tension, tension të hapur i cili motërzonë nga koncepti dhe stili që sjellin tek artdashësi shqisën estetike nën ndjesinë e magjikes. Figurat janë poetike të një bote përplot fshehtësi (kjo më shumë fshihet prapa formës), një rizbulim arti me një përqasje estetike tokë me atë që jeton dhe atë që e krijon, një simetri, baraspeshë ndërmjet bukurisë (reale të shpirtit që vetëkuptohet) dhe shpejtësisë (sikur te futuristët), e krejt kjo nën gërshetimin estetikë mbi lëvizjen, peshën dhe materien.”

Kuratori për lojën e ngjyrave të piktorit shpreh se: “Në artin e tij nuk shohë vetëm gjendje, lojë ngjyrash, harmoni, proporcione, por energji krijuese të çiftëzuar me kuptimësi, lexim social, ekonomik, në fund real. Përkundrazi, idetë e tij janë ekzistenciale brenda shpirtrave, hapin shtigjet e tejkalimit ekonomik, pastaj i kthehet rrugëtimit fatal të vetë qenies e cila rrodhi nga ky rregullim. Si mund të jetë e rregullt? ADN-ja e saj është absolute në këtë rrëmujë formash.”

Gembi është i diplomuar në degën e artit figurative në Fakultetin e Arteve –Prishtinë, ku dhe mban mirënjohje nga Fakulteti i Arteve si student i dalluar, ndërsa Gembi deri më tani i ka sjellë publikut 3 ekspozita përsonale në Kosovë dhe Shqipëri, si dhe ka ekspozuar në 16 ekspozita kolektive në rajon dhe në Europë. Ku ka pranuar edhe shumë shpërblime, ku vlen të përmend medaljen e argjend nga ekspozita në “Salon Councours International Gembloux” – Belgjikë.

Gembi gjithashtu njihet si qytetar aktiv që kontribon vazhdimisht për komunitetin në Gjakovë, si në art, sport, edukim dhe ekonomi.
Ekspozita do të hapet të Shtunën më datë 12.12.2015 në ambientet e Jakova Inovation Center në Gjakovë dhe do të jetë e hapur për dashamirët e artit deri më 27.12.2015.