Ka përparim në negociatat për emrin e Maqedonisë, mbeten çështjet e rënda

Ka përparim në negociatat për emrin, por mbeten çështjet më të rënda. Ata, siç përparojnë negociatat, dalin në sipërfaqe dhe duhet të tejkalohen. Të arriturat japin shpresë për optimizëm për arritjen e marrëveshjes me kompromis.

Këto janë pjesë e konstatimeve të ministrave për punë të jashtme të Maqedonisë dhe Greqisë, Nikolla Dimitrov dhe Nikos Kotzias si dhe të ndërmjetësit Matthew Nimetz pas bisedimeve të djeshme në Vjenë.

“Ka avancim të kushtëzuar në negociata, sepse siç vazhdojmë më tej, arrijmë te çështjet më të rënda. Edhe nga ana jonë edhe nga ana e tyre ka shumë për të menduar, për të matur. Kemi punuar me logjikën e asaj se çka është më e rëndësishme për të dyja palët dhe se a mundemi në kompromisin drejt të cilit lëvizim, t’i përfshijmë të dy anët”, tha pas takimit, ministri për punë të jashtme i Maqedonsië, Nikolla Dimitrov.

Sipas Nimetz, ka avancim pozitov në negociata, por përsëri mbeten pyetje të rënda që duhet të tejkalohen.

“Të dy ministrat përqëndrohen në marrëdhëniet afatgjata, në stabilitetin e rajonit, në rëndësinë e marrëdhënieve të mira mes dy shteteve dhe kam shpresë se do të vazhdojmë të punojmë me këtë qasje pozitive”, tha ndëmjetësi i KB-së, Matthew Nimetz./Telegrafi/