Jennifer Aniston preferon fustanin e zi të shkurtër

Nëqoftëse ka diçka që dihet me siguri për aktoren Jennifer Aniston, është fakti që ajo preferon mbi gjithçka në veshjet e saj, fustanin e zi të shkurtër.

Gjatë viteve ajo e ka veshur këtë lloj fustani në të gjitha modelet dhe stilet e mundshme, duke u shfaqur gjithmonë bukur e duke eksperimentuar me materialet si lëkura apo tylrat, por edhe me siluetën e saj.

Përsa i përket zgjedhjeve në modë aktorja identifikohet dhe i qëndron besnike të zezës klasike. Ajo ka deklaruar se fustani i zi është një veshje e mrekullueshme, e thjeshtë dhe klas, e këndshme për t’u kombinuar dhe e domosdoshme për gardërobën e femrave.

Aniston është cilësuar si një nga yjet më me stil të të gjitha kohërave, duke miksuar nga veshjet seksi dhe klas deri tek ato më modernet, që përbëjnë tendencat e fundit.

Edhe në premierën e “Leftovers”, për të mbështetur të fejuarin e saj Justin Theroux, Aniston zgjodhi një fustan tip këmishe, me shpatulla dhe krahë të mbuluar por mjaft sexy ,kombinuar me sandalet me shkëlqim, me majë.