Japonia vazhdon me stimuj

Banka e Japonisë ka mbajtur të pandryshuar stimulin monetar masiv, por u shpreh me një ton më pak optimist për ekonominë, duke paralajmëruar për një dobësi në prodhimin e fabrikave.

Ashtu siç pritej nga analistët, Banka e Japonisë mbajti të pandryshuar bazën monetare vjetore prej 60 deri në 70 trilionë yen, ose 343 miliardë deri në 400 miliardë paund, nëpërmjet blerjes së bonove qeveritare dhe aseteve të tjera me risk. Kjo ka bërë që monedha europiane euro, të regjistrojë rënie në raport me jenin japonez, i cili përpara publikimit të vendimit gjendej në nivelin më të ulët në gjashtë vitet e fundit përballë euros.

Banka Qendrore e Japonisë ka rishikuar në rënie vlerësimin për prodhimin industrial, duke pranuar se rritja e taksës mbi shitjet në muajin Prill ka pasur një ndikim më të keq se sa pritej në ekonomi.

Taksa kombëtare mbi shitjet, që u rrit në 8 për qind nga 5 për qind që ishte më parë, ka ngadalësuar ndjeshëm ekonominë e tretë më të madhe në botë, që shënoi rënie vjetore prej 7.1 për qind në tremujorin e dytë të vitit. Banka e Japonisë ka ndjekur një politikë monetare me stimuj agresive që nga Prilli i vitit të kaluar për të rritur inflacionin në 2 për qind për një periudhë 2-vjeçare. /Telegrafi/