ISIS krenohet me Ramazanin e tyre të përgjakshëm

Nga Orlando në Bangladesh, grupi pretendon se vrau dhe plagosi 5.200 njerëz në “operacionet ushtarake ” në një muaj.

ISIS-i është mburrur për vrasjen dhe plagosjen e gjithsej 5.200 njerëzve në “operacione ushtarake” gjatë tërë muajit të Ramazanit.

Në një info grafik të revistës javore të xhihadistëve, al-Naba, ISIS liston 14 sulme të ndryshme terroriste që grupi kishte kryer në Evropë, SHBA, Azi, Afrikë, Siri dhe Irak, shkruan The Independent.

Mes tyre përfshihen 49 njerëz të vrarë në sulmin e kryer në një klub homoseksualësh në Orlando, të Floridas, në qershor, dhe 22 të masakruar për vdekje në Dhaka, të Bangladeshit, në fillim të Korrikut.

Grupi gjithashtu krenohet edhe me njërin prej sulmeve më vdekjeprurëse deri më sot.

Pothuajse 300 persona u vranë në Baghdad , kur një kamion i mbushur me eksploziv shpërtheu në një treg të frekuentuar në kryeqytetin Irakian. Blerësit ishin duke u përgatitur për Fitër Bajram, festën që shënon fundin e Ramazanit.

Megjithatë, grupi nuk përfshinë sulmin në aeroportin Ataturk Istanbul , një ndër shpërndarësit më të ngarkuar në botën e udhëtimit , ku vranë 41 vetë dhe plagosën qindra të tjerë. Presidenti Rexhep Tayyip Erdogan ka fajësuar ISIS-in për sulmin , transmeton KosovaPress.

Grupi merr përgjegjësi për sulmin e kryer nga Larossi Abdallah, një mbështetës i grupit terrorist i cili vrau një polic dhe gruan e tij jashtë qytetit të Parisit.

Ata gjithashtu morën përgjegjësi për një makinë bombë që vrau gjashtë ushtarë jordanezë në afërsi të kufirit të Sirisë.

Edhe pse këto incidente janë të njohura , jo të gjithë numrat janë verifikuar.

Grafiku jep një ndarje të viktimave se nga vijnë ata. Ai përfshine rreth 2,000 shiit , 1000 kurdë , 600 alavitë sirianë dhe 300 të krishterë.