iPad 2 vjen me ngjyrë të bardhë?

Brenda pak ditësh kompania Apple do të paraqesë kompjuterin e vet të ri tablet iPad. Thashethemet dhe spekulimet të cilat janë shfaqur në internet në prag të lansimit të tij janë më të zëshme nga dita në ditë.

Ajo që është konsensus i përgjithshëm është se iPad 2 do të jetë më i lehtë, më i shpejtë dhe me ekran të përmirësuar (por ai nuk do të jetë ekran Retina siç është në iPhone 4). Po ashtu ai do të funksionojë në rrjetet GSM e CDMA si dhe do të ketë dy kamera.

Në fakt, një prej arsyeve pse kornizat e ekraneve të Apple janë të zeza është se nga pikëpamja vizuale e paraqesin fotografinë më mirë.

Kjo fotografi e paraqitur me tekstin ka rrjedhë nga Kina, siç raporton portali teknologjik 9to5 Mac, mirëpo nuk do të ishte aspak e pazakonshme nëse Apple vendos edhe për ngjyrë të bardhë të tabletit të vet. Si çdo herë më parë, Apple edhe kësaj radhe është bukur enigmatike kur bëhet fjalë për specifikat e pajisjes. Megjithatë, nuk e ka fort larg, sepse do ato do t’i marrim vesh më 2 mars. /Telegrafi/