Këtë vizitë më shumë po e bëjmë si simbolikë për të parë efektet e politikave fiskale që i kemi zhvilluar prej fillimit të këtij viti, dhe unë sot me kënaqësi e them se janë mbi 160 firma që kanë marrë autorizimet për importimin e lëndëve të para, të makinerive dhe teknologjisë informative për të importuar këto pa TVSH tha ministri i financave Avdullah Hoti gjatë vizitës në fabrikën e prodhimeve farmaceutike “Tri Pharm”.
Ministri Hoti duke përgëzuar kompaninë “TriPharm” për punën e jashtëzakonshme që kanë bërë tha se unë kam pas rastin të takohem edhe më herët me Mërgimin dhe me komplet Klubin e Prodhuesve, që janë prodhuesit kryesorë në Kosovë.
“Ne sot më shumë kemi dalë si simbolike për të parë nga afër ndryshimet e politikave fiskale të cilat i kemi marrë nga fillimi i këtij viti. Janë mbi 5 milionë euro lirime nga TVSH-ja prej 1 shtatorit që ka bërë Dogana e Kosovës për kompanitë vendore që kanë importuar lëndë të parë dhe makineri prodhuese dhe mendoj që kjo është një ndihmë direkte që Qeveria ju ka dhënë bizneseve” , tha Ministri Hoti.
Gjithashtu Ministri Hoti u shpreh se “Gradualisht po përmirësohet ambienti për biznes ku për këtë çështje ne sot diskutuam gjerësisht me Klubin e Prodhuesve për hapat më tutje që duhet të ndërmarrim gjatë vitit të ardhshëm, sepse kjo është vetëm një pjesë e reformave që kemi filluar me politikat fiskale por që do të shkojmë edhe më tutje për të përmirësuar ambientin e të bërit biznes, për të promovuar prodhimin vendor. Këta janë heronjtë e Kosovës, ekonomia e Kosovës, të hyrat e buxhetit mund të rriten, punësimi mund të rritet nëse këta mund të rritin punësimin dhe ne do të jemi në shërbim plotësisht të tyre , të gjithë dikasteret qeveritar pa përjashtim, duke filluar nga Ministria e Financave me politikat fiskale dhe doganore, dhe ministritë tjera, për sigurim të cilësisë, AVUK-un dhe bisedën që patëm shumë të frytshme”.
Ai sot bëri të ditur se “Është duke u draftuar udhëzimi administrativ për lirimet tatimore për krijimin e lehtësirave për sektor të caktuar, për investime të caktuara që krijojnë vende të caktuara të punës, dhe që kanë qarkullim të caktuar nëpër regjione të ndryshme që bizneset, kryesisht bizneset vendore ta shfrytëzojmë këtë mundësi”.
“Klima pozitive për biznesin është duke u krijuar, të dhënat që i kemi tregojnë se kemi një katërfishim të investimeve krahasuar me vitin e kaluar, këto tregohen edhe në bazë të të hyrave buxhetore që ne kemi mbledhur në Buxhetin e Kosovës, ne e përmbyllim vitin me 120 milionë euro më shumë të hyra të mbledhura nga bizneset , pra është aktivitet i shtuar që ka ndodhur gjatë këtij viti. Unë besoj se do të dyfishohen këto të hyra edhe vitin e ardhshëm, edhe punësimi por edhe biznesi në përgjithësi dhe se bashkë me prodhuesit vendor ne do të jemi partner dhe do të punojmë bashkë vazhdimisht” u shpreh Ministri Hoti.
Ndërsa, drejtori ekzekutiv i Fabrikës së prodhimit të farmaceutikëve “TriPharm” Mërgim Prishtina, duke falënderuar Ministrin Hoti për përkrahjen e bizneseve e sidomos në fushën e farmaceutikës u shpreh se “Deri në shtator të këtij viti nuk kemi pasur të drejtë të rimbursimit të TVSH-së, nga 1 shtatori ne e gëzojmë këtë të drejtë të rimbursimit dhe njëkohësisht edhe lirimin nga TVSH-ja për makineritë prodhuese dhe lëndën e parë”.
“Ne e kemi fituar të drejtën e lirimeve për lëndët e para nga TVSH-ja dhe këtë të drejtë po e gëzojmë. Shpresoj se tash në fund të këtij viti do të lirohemi edhe nga TVSh-ja në makineri, vlerë të cilën mund ta përmendi publikisht se është mbi 500 mijë euro vlerë e liruar, e cila vlerë ka qenë në fillimet tona dhe planet tona e planifikuar që njërën nga linjat e prodhimit ta shtyjmë si investim, pas këtij ndryshimi ligjor ne vendosëm që këtë linjë ta marrim që tash dhe të punësojmë punëtorë të rinj në këtë linjë të prodhimit”, u shpreh z. Prishtina.
Ai gjithashtu tha se “ Pasi që Ministria e Financave bënë planifikimet buxhetore në blerjet publike të Ministrisë së Shëndetësisë, të kihet parasysh që të ketë prioritet prodhimin vendor sidomos prodhimet farmaceutike që spitalet dhe ordinancat tona të mbushen me produkte vendore dhe me produkte të prodhuara në Kosovë për trajtimin e pacientëve “
Me këtë rast ne sot e kemi pritur Ministrin Hoti edhe si Klub i prodhuesve vendor, ku këtu të pranishëm edhe ndër prodhuesit më të mëdhenj të Kosovës, bëri të ditur Prishtina. /Telegrafi/
Promo
Reklamo këtuLufta Prigozhin - Putin
Më shumëNga Rubrika
“Tiny Realms Under Surreal Tides”, faqe e re e bashkëpunimit midis artit dhe pasurive të paluajtshme
India, anëtare e BRICS refuzon de-dollarizimin – përqafon dollarin amerikan
KosICT 2024, edicioni i 13-të i Festivalit të Teknologjisë mbledh ekspertë globalë dhe ofron mundësi për të rinjtë
India, anëtare e BRICS refuzon de-dollarizimin - përqafon dollarin amerikan
Pensioni bazik rritet në 120 euro, i kontributpaguesve deri në 318 euro - ja nga sa do të marrin pensionistët pas rritjes prej 20 për qind
Meritaterm vazhdon kampanjën me super zbritje prej 33% për pompën termike më të mirë në treg, Toshiba
Foleja Home: Produkte cilësore dhe moderne për shtëpinë dhe zyren tuaj
Kjo është super platforma për menaxhimin e procesit të dhënies dhe marrjes me qera të veturave
Vezët Bio REA-s: Zgjedhje e shëndetshme për familjen tuaj
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Arda Guler nga Turqia i dërgon mesazh Carlo Ancelottit për minutazhën te Real Madridi
Çfarë janë uraganet, sa të rrezikshëm janë dhe çfarë mund të ndihmojë në zbutjen e dëmeve?
Mbi 160 mijë euro, 696 kilogramë mjaltë e 250 kilogramë fasule ia gjejnë në shtëpi – Policia arreston të dyshuarin në Ferizaj për kontrabandë e tregti të ndaluar
Pamje nga vizita e Jakup Krasniqit te varri i vëllait, më pas i takon familjarët në fshatin e tij
Kaloi 50 mijë konkurrentë në audicion - kush është Nora Tushi, shqiptarja që po mahnit jurinë gjermane
Berisha: Do të dalin audio-incizime të tjera, do të na vijë turp