Gjakova rrit të hyrat vetanake për 200 mijë euro

Kuvendi Komunal i Gjakovës, sot ka mbajtur mbledhjen e rregullt, ku kanë shqyrtuar disa pika të rëndësishme të rendit të ditës.

Në prezencën e asamblistëve, përfaqësuesve të OJQ-ve, kryetarëve të bashkësive lokale, mediave dhe qytetarëve, fillimisht u prezantua informata financiare për periudhën janar-shtator 2014, njofton Komuna e Gjakovës.

Komuna e Gjakovës ka arritur që të ngrit të hyrat vetanake për 200 mijë euro më shumë krahasuar me periudhën e njëjtë të vitit 2013.

Gjithashtu, Komuna e Gjakovës ka realizuar planifikimet buxhetore 85%, ndërsa sfidat që është përballur qeverisja e re nuk kanë qenë të lehta. Ekzekutivit në Gjakovë i mbesin ende barrë edhe 2.5 milion euro borxhe të trashëguara, por megjithatë edhe përkundër këtij fakti të pamohueshëm,

Komuna ka arritur që disa projekte ti realizoj edhe përmes donacioneve të përfituara nga organizata të ndryshme.

Në mbledhjen e sotme u miratuan edhe dy kërkesa, për dhënien në shfrytëzim të tokës komunale për investitorë të cilët do të investojnë në bujqësi me ndikim në hapjen e vendeve të reja të punës. /Telegrafi/