Franca kalon buxhetin

Ligjvënësit francezë miratuan buxhetin e vitit të ardhshëm. Për herë të parë pas një dekade, ky buxhet parashikon rikthimin e deficitit publik brenda rregullave të përbashkëta europiane.

Buxheti mori dritën jeshile në parlament pavarësisht kundërshtive së opozitës, që pretendon se objektivi i qeverisë për një rritje të ekonomisë pranë 1.5 për qind vitin e ardhshëm, është jo realist.

Sa i përket deficitit publik, buxheti projekton një normë në 2.7 për qind, nga 3.3 për qind që ishte vitin aktual. Rregullat e përbashkëta kërkojnë një normë jo më të lartë se 3 për qind e Prodhimit të Brendshëm Bruto, dhe ky është i pari projeksion brenda rregullave që prej vitit 2007.

Kandidatët kryesorë të zgjedhjeve presidenciale të muajit Prill, përfshirë këtu Francois Fillon, pretendentin numër një për ti zënë vendin Francois Hollande, kanë premtuar një hap më të ngadaltë për shkurtimin e deficitit.

Ligjvënësit miratuan gjithashtu amendamentin që do të rrisë taksën e aksioneve nga 0.2, në 0.3 për qind, si dhe shtrirjen e kësaj takse edhe për tregtinë ditore, duke filluar prej vitit 2018.

Sektori bankar i trembet faktit se kjo lëvizje do të dëmtojë Parisin dhe funksionin e qytetit si një qendër financiare globale. Qeveria ndërkohë nuk e mbështet këtë amendament. /Telegrafi/