Federata ndërkombëtare e notit me ‘dorë të hekurt’ ndaj notarëve transgjinorë

Federata ndërkombëtare e notit (FINA), ka votuar për të ndaluar sportistët transgjinorë të konkurrojnë në garat e elitës së femrave, nëse ato kanë kaluar në ndonjë pjesë të procesit të pubertetit mashkullor.

Politika e re kërkon që konkurrentet transgjinore të kenë përfunduar tranzicionin e tyre deri në moshën 12 vjeç, në mënyrë që të mund të konkurrojnë në garat e grave.

Fina do të synojë gjithashtu të krijojë një kategori ‘të hapur’ në garat për notaret, identiteti gjinor i të cilëve është i ndryshëm nga gjinia e tyre e lindjes.

Lexo po ashtu Të gjitha lajmet nga Not

Rregulli u miratua me 71 për qind të votave nga 152 anëtarë të FINA-s, derisa vendimi u mor gjatë një kongresi të përgjithshëm të jashtëzakonshëm në Kampionatin Botëror që po zhvillohet në Budapest.

Në mars, Thomas u bë notari i parë i njohur transgjinor që fitoi titullin më të lartë të kolegjit kombëtar të SHBA me fitoren në stilin e lirë për femra.

Ende nuk ka ndonjë reagim nga ky komunitet, por që janë paralajmëruar protesta të ashpra ndaj FINA-s. /Telegrafi/

Fina has voted to prevent transgender athletes competing in women's elite races if they have gone through any part of the process of male puberty.

— BBC Sport (@BBCSport) June 19, 2022