Është koha për fustan të bardhë

Gjithçka filloi në revynë e fundit të Calvin Klein, i cili në revynë e fundit paraqiti copa të thjeshta dhe të mrekullueshme. Dhe tani janë gjithandej – në revytë e Ralph Lauren, Narciso Rodriguez, Khloe...

Me siguri e keni të njohur magjinë e fustanit të vogël të zi. Mund të kombinohet me gjithçka, “duron” shtesa në të gjitha ngjyrat, mund t’ju bëjë të pavërejtshëm, por edhe në qendër të vëmendjes. Varësisht nga ajo se si doni dhe cila është arsyeja për ta veshur. Por, është koha të përshëndeteni me fustanin e preferuar të zi dhe t’i dëshironi mirëseardhje pranverës me fustan të vogël të bardhë.

Nga galeria, zgjidhni modelin që më shumë ju përshtatet dhe do të fitoni fustan ultra-trendi që mund ta kombinoni me këpucë, çantë dhe aksesorë me ngjyra të ndryshme (megjithatë, zgjidhni ngjyra të çelura). Zgjidhni fustan të gjerë me prerje të këmishës dhe kombinoni me një rrip interesant ose, zgjidhni të ngushtë që do ta ndjekë vijën e trupit tuaj. Një është e sigurt – cilindo kombinim që të zgjidhni – nuk do të gaboni! /Telegrafi/