Barcelona
Barcelona është klub futbollistik i bazuar në krahinën autonome të Katalonisë së Spanjës, përkatësisht në kryeqytetin e saj, Barcelona. Klubi është themeluar më 29 nëntor të vitit 1899. Është ekipi i dytë më i mbështetur në Spanjë dhe ndër klubet me më së shumti tifozë në Botë.
No posts found
Fillimisht, ekipi është përbërë vetëm nga lojtarë zviceranë, anglezë dhe katalonas, të udhëhequr nga legjenda zvicerane, Joan Gamper, nga ku supozohet edhe janë marrë ngjyrat e skuadrës.
Ekipi është bërë simbol i kulturës katalonase, ku është bazuar edhe motoja “Més que un club” (Më shumë se një klub).
Vetëm 31 vjet pas themelimit (1930), katalonasit e fituan titullin e parë të kampionit të Spanjës, pasi që La Liga u themelua në vitin 1929.
Në fakt, në vitin 1902 klubi fitoi trofeun e parë pasi që fituan Copa Macaya dhe gjithashtu zhvilluan ndeshjen në finalen e Copa del Rey, ku humbën 2-1 nga Club Vizcaya.
Barcelona është klubi i parë i futbollit që ka fituar gjashtë tituj në një vit të vetëm duke përfshirë La Ligan, Kupën e Mbretit, Superkupën e Spanjës, Ligën e Kampionëve, Superkupën e Evropës dhe Kupën Botërore për klube.
Katalonasit kanë fituar 69 trofe vendore duke përfshirë 26 tituj të La Liga, 30 trofe të Kupës së Spanjës dhe 13 tituj të Superkupës së Spanjës.
Barça ka fituar pesë herë garën më të madhe evropiane për klube. Njëherazi, klubi i ka fituar katër Kupa UEFA dhe tre Kupa të Botës për Klube.
Trofetë kryesore
Vendore
La Liga (26): 1929, 1944–45, 1947–48, 1948–49, 1951–52, 1952–53, 1958–59, 1959–60, 1973–74, 1984–85, 1990–91, 1991–92, 1992–93, 1993–94, 1997–98, 1998–99, 2004–05, 2005–06, 2008–09, 2009–10, 2010–11, 2012–13, 2014–15, 2015–16, 2017–18, 2018–19.
Kupa e Spanjës (30): 1909–10, 1911–12, 1912–13, 1919–20, 1921–22, 1924–25, 1925–26, 1927–28, 1941–42, 1950–51, 1951–52, 1952–53, 1956–57, 1958–59, 1962–63, 1967–68, 1970–71, 1977–78, 1980–81, 1982–83, 1987–88, 1989–90, 1996–97, 1997–98, 2008–09, 2011–12, 2014–15, 2015–16, 2016–17, 2017–18.
Superkupa e Spanjës (13): 1983, 1991, 1992, 1994, 1996, 2005, 2006, 2009, 2010, 2011, 2013, 2016, 2018.
Evropiane
Liga e Kampionëve (5): 1991–92, 2005–06, 2008–09, 2010–11, 2014–15
Kupa UEFA (4): 1978–79, 1981–82, 1988–89, 1996–97
Botërore
Kupa e Botës për Klube (3): 2009, 2011, 2015
Rivaliteti
Barcelona ka disa rivalë, dy prej të cilëve janë të përbetuar në futbollin spanjoll. I pari është rivali lokal, Espanyol. Ky rivalitet daton që nga themelimi i La Ligës (1929).
Rivaliteti tjetër i madh është me Real Madridin, i cili njihet në botë si El Classico. Rezultati më i thellë ndërmjet këtyre rivalëve ishte ai i vitit të largët, 1943 përkatësisht, në Kupën e Mbretit, ku madridlenët triumfuan me rezultat, 11-1.
Ndërsa fitoren më të thellë të Barcelonës kundër Realit daton në vitin 1913, ku katalonasit fituan me rezultat 7-0.
Barcelona ka fituar 96 herë El Classion, ndërsa Reali ka 95 triumfe.
Nofkat
Blaugrana
Barça
Stadiumi
Stadiumi ka emrin Camp Nou dhe është shtëpia e FC Barcelonës që nga viti 1957.
Me një kapacitet prej 99,354 ulësesh, aktualisht është stadiumi më i madh në Spanjë dhe më i madhi në Evropë.
Në vitin 1982 ishte mirëpritës i ndeshjes gjysmë-finale të Kupës Botërore, dy herë i finales së Ligës së Kampionëve.
Promo
Reklamo këtuShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251