Demi reagon ndaj Qeverisë: Po vazhdon degradimi i ndërmarrjeve publike me borde politike

Qeveria e Kosovës, në mbledhjen e së enjtes mori vendim për emërimin e tri bordeve të përkohshme në tri ndërmarrje publike – në Postë, Ujësjellës e Infrakos.

Ndaj kësaj ka reaguar analisti Agron Demi.

Përmes një postimi në Facebook, Demi ka thënë se kjo po bëhet thjesht për të rehatuar anëtarë të partisë në pushtet.

Lexo po ashtu Qeveria emëron bordet e përkohshme në Postë, Ujësjellës e Infrakos

“Një ndër veprimet më të pështira të partive është mbushja e bordeve me anëtarë të partive në pushtet. Bordet duhet të shërbejnë për avancimin e ndërmarrjes, e jo për shlyerjen e borxheve të partive.

Andaj, zëvendësimi i bordeve partiake me anëtarë të partisë tash në pushtet, është vetëm vazhdim i degradimit të ndërmarrjeve me metoda të njëjta, përmes emrave të rinj”, ka thënë analisti politik në Institutin GAP, Agron Demi.

Demi nuk ka treguar për cilët emra bëhet fjalë.

Lexo po ashtu Kandidati i LVV-së për deputet në krye të Bordit të Ujësjellësit

Ndërkaq, Kurti ka emëruar për kryesues dhe drejtor të Kompanisë Rajonale të Ujësjellësit “Prishtina”, kandidatin e Vetëvendosjes për deputet në zgjedhjet e 6 tetorit Mentor Hysenin.

Mentor Hyseni në gusht të vitit të kaluar është anëtarësuar në partinë e kryeministrit në detyrë Albin Kurtit. /Telegrafi/