Çka do të ndodh tani me mediat në Afganistan?

Një nga ndryshimet më goditëse gjatë 20 viteve të fundit në Afganistan ka qenë skena e saj e lulëzuar mediatike, me dhjetëra rrjete televizive dhe gati 200 stacione radio stacione.

Dhe ndërsa ata mund të jenë në gjendje të qëndrojnë të hapur, çfarë lirie do të kenë?

Saad Mohseni, kryetar i Tolo TV – rrjeti më i shikuar i Afganistanit – i ka thënë BBC-së se ka marrë “sinjale” nga Talebanët se veshja e prezantueseve televizive “nuk është e pranueshme”.

Ai thotë se “Ne u kemi thënë atyre që nëse ata do të dekretojnë që ata duhet të vishen ndryshe, ju lutemi na tregoni. Ne nuk mund t’i marrim këto telefonata dhe mesazhe të rastësishme”.

“Unë mendoj se ata (talebanët) po përpiqen të balancojnë imponimin e “sharia lite” tani për tani, por në të njëjtën kohë duke i treguar botës se ata janë në rregull me gjithçka”, shtoi ai.

Mohseni thotë se rrjeti po vetëcensurohet për shkak të pasigurisë, duke vënë në pritje programe “të cilat kanë qenë gjithmonë shumë ofenduese për Talebanët”.

“Disa prej tyre ne e dimë se do të jenë në rrezik”, shpjegon ai. Dhe ka të tjerë që nuk janë më rehat dhe nuk ndiejnë se mund të jetojnë në këtë Afganistan dhe ne duhet t’i ndihmojmë ata të dalin jashtë.

“Por thjesht futja e tyre fizikisht në aeroport është mjaft e vështirë – është një kaos i plotë. Dhe e gjithë kjo ishte e shmangshme – bota me të vërtetë na ka zhgënjyer. Largimi është një gjë, por largimi me përgjegjësi duhet të ishte një përparësi”, shtoi ai.

Ndryshe, Tolo Tv ka të punësuar shtatë persona duke përfshirë edhe bashkëpunëtorët e jashtëm. /Telegrafi/