Ekonomi Financa

Çka fshihet pas frangut zviceran?

Para 10 vitesh

Banka Nacionale e Zvicrës ndryshon nga bankat e tjera qendrore në atë se ajo aktualisht nuk është në pronësi nga qeveria zvicerane. Qarkullojnë disa teori për vendimin e Bankës Nacionale të Zvicrës, me të cilin është shkaktuar „cunami“ i vërtetë financiar në tregjet financiare ndërkombëtare. Njëra është se Thomas Jordan, president i Bankës Nacionale të Zvicrës, beson se frangu do të fillonte të dobësohej dhe do të zgjidhë disa nga problemet e tyre.

Në fakt, në pyetje është roli i qeverive lokale zvicerane në lobimin për pagesën e dividentave. Edhe pse kjo tingëllon e çuditshme, qeveritë lokale, në të vërtetë, janë shumë të rëndësishme, duke pasur parasysh se kanë në pronësi Bankën Nacionale të Zvicrës.

Banka Nacionale e Zvicrës ndryshon nga bankat e tjera qendrore ngase nuk është në pronësi nga qeveria zvicerane, por ajo është një kompani aksionare dhe, mes aksionarëve janë dhe rajone zvicerane administrative, të njohura si kantone dhe organet e tjera shtetërore dhe individët privatë.

Së pari, Banka Nacionale ka paguar dividentën për aksionarët e saj në shumë deri në gjashtë për qind të fitimit neto, si dhe një tarifë paushalle për qeveritë lokale.

Një marrëveshje e tillë ofron edhe shpërndarjen e një miliard frangash në vit, duke përfshirë 26 kantone në proporcion me numrin e banorëve. Janë paguar dividentët çdo vit, më shumë se 100 vjet deri më 2013, kur kishte rënie të çmimit të arit që kishte ndikuar negativisht në rezervat e arit të Bankës Nacionale të Zvicrës. Më 2013 ishte shkaktuar humbje prej 9 miliardë frangash, kështu që Banka Nacionale e Zvicrës nuk arriti të paguante dividenta dhe kishte shkaktuar shok për kantonet.

Kantonet, nga ana tjetër, kanë bërë ankesa në bankë, duke kërkuar që të sigurojë më shumë para për vitin 2014, për të kompensuar të ardhurat nga burime të tjera. Në fillim të janarit të këtij viti banka tha se pritet të ketë fitim neto prej 38 miliardë frangash, që hap mundësinë e ripagesës së dividentave.

Por, një javë më vonë, banka tha se ka hequr dorë nga kursi i kufizuar i këmbimit të frangut me euron.

Pse Banka Nacionale u përgjigj në një mënyrë që pothuajse me siguri do të sjellë humbje në Zvicër?

Duke pasur parasysh deklaratën e shefit të Bankës Nacionale të Zvicrës se “frangu është mbivlerësuar në mënyrë të konsiderueshme” në nivelin e tij të kufizuar, është e qartë se ka menduar të bie pak karshi euros pasi të heqet kufizimi, transmeton albinfo.

“Tregu përfundimisht do të kuptojë se ky mbivlerësim i frangut nuk është i justifikuar”, thotë Jordan, duke shtuar se banka është e gatshme të dobësojë frangun nëse është e nevojshme.

Banka Nacionale e Zvicrës SNB tani ka një vit për të gjetur paratë për dividendët për 2015, edhe pse tani është më vështirë, sepse rezervat e saj valutore, në të vërtetë, kanë humbur vlerën. /Telegrafi/