Çantat në brez

Të jeni në gjendje të mbani gjërat tuaja me stil dhe njëkohësisht të ndjeheni mirë – është një nga preokupimet kryesore të dizajnerëve të modës për këtë sezon.

Prandaj nuk na befason fakti se bartja e çantës rreth belit (që ka qenë aq e popullarizuar në vitet e nëntëdhjeta) shumë shpejt është bërë objekt i dëshiruar- por në një mënyrë më moderne dhe në kombinime të shumta, duke filluar nga ato sportive deri tek ato elegante.

Gjenerata e re e çantave që mbahen në brez janë shtesë e duhur e modës, që në fakt është produkt dy në një- pasi është njëkohësisht edhe çantë edhe rrip. Sikurse te të gjitha çantat tjera, dizajni dhe ngjyra varirojnë nga stili ‘hipi’ deri tek ai modern, nga ato njëngjyrëshe tek ato shumëngjyrëshe, nga ato prej liri deri tek ato të lëkurës… Ndërsa kjo do të thotë se do të gjeni zgjidhje të përsosura për shijen tuaj.

Ky lloj i çantave moderne në mënyrë perfekte u përshtatet stileve të ndryshme të modës, të cilat dizajnerët i kanë prezantuar për sezonin pranverë/verë që po e përjetojmë, ashtu që pavarësisht stilit tuaj, shumë lehtë do ta zgjidhni çantën që do ta vendosni në mesin tuaj. /Telegrafi/