‘BMW 2 Active Tourer’ në treg nga shtatori (Foto)

Seriea 2 e BMW Active Tourer prezanton inovacion të kësaj marke me klasë kompakte premium që bashkon funksionalitetin dhe komoditetin me dinamikë, stil dhe elegancë tipike të BMW-së.

Krahas zmadhimit të dimensioneve të jashtme, ky model ofron hapësirë të mjaftueshme në brendësi për udhëtarët e vet.

Motorët e rinj turbo, paketa e gjerë BMW EfficientDynamics, funksionet e ndryshme të navigacionit përmes sistemit ConnectedDrive, si edhe tërheqja me rrotat e para, garantojnë përjetim sportiv gjatë vozitjes.

Edhe ky model përmban karakteristikat tipike të markës BMW: Drita të përparme të dyfishta, projektim të shkurtër të përparmë dhe të pasëm, hapësirë të lartë mes boshtit, drita të pasme në formë të shkronjës L. Në brendi gjendet radio, klima dhe ventilimi të drejtuar kah shoferi. Bagazhi i madh 468 litra (maksimum 1.510 litra) dhe mbledhja e ulëseve të pasme, garantojnë shfrytëzim të përditshëm.

Në ofertë do të jenë tre motorë të fortë dhe efikasë me tre ose katër cilindra të një gjenerate të re. Përparësitë janë në mënyrën kompakte të konstruktimit, teknologjinë BMW TwinPower Turbo dhe plotësojnë normat e EU6.

Motori i ri trecilindërsh me benzinë ofron efikasitet dhe performanca të mëdha – shpenzon  në formë të kombinuar nga 4.9 l deri në 5.2 l në 100 km, emisioni i CO2 është i kombinuar 120-115g/km, marshi është manual me gjashtë shpejtësi.

Motori tjetër me katër cilindra – shpenzon 6.0-5.8 l/100 km, emisioni i CO2 139-135 g/km, marshi steptronik me tetë shpejtësi. Zhvillon fuqi prej 170 kW/231 KF, ndërsa nga 0 deri në 100 km/h arrin për 6.6 sekonda. Shpejtësia maksimale është e kufizuar në 240 km/h.

Në ofertë është edhe një tjetër motor me katër cilindra, i cili shpenzon dukshëm më pak 4.3-4.1 l/100 km, emisioni i CO2 114-109 g/km, ndërsa zhvillon fuqi prej 110 kW/150 KF, me shpejtësi maksimale prej 208 km/h.

BMW Active Tourer do të fillojë shitjen nga 27 shtatori 2014, ndërsa çmimi fillestar në Gjermani pritet të jetë 27.200 euro. /Telegrafi/