Edhe pse janë investuar miliarda euro në infrastrukturë, bashkëpunimi ekonomik ndërmjet dy shteteve shqiptare Kosovë-Shqipëri, ende nuk ka një nivel të kënaqshëm. Qe të dy vendet nuk është se bashkëpunojnë shumë në nivelin ekonomik dhe në kohë kur bashkëpunimi ekonomik do të duhej të zhvillohet, aty ka ngecje. Kështu kanë vlerësuar përfaqësuesit e Odës Ekonomike të Kosovës dhe asaj të Shqipërisë.
Safet Gërxhaliu, kryetar i Odës Ekonomike të Kosovës, ka thënë për KosovaPress se bashkëpunimi ekonomik në mes të Kosovës dhe Shqipërisë duhet të rritet ngase në të kundërtën nuk arsyetohen miliardat në investimet e infrastrukturës. “Është e vërtetë se viti 2014 në bashkëpunimin ekonomik në mes Kosovës dhe Shqipërisë, është përcjellë me disa barriera të cilat janë shumë më tepër të natyrës burokratike se sa substanciale. Nuk arsyetohen miliardat investime në infrastrukturë në qoftë se nuk e kemi një rritje permanente të bashkëpunimit ekonomik dhe në këtë drejtim në qoftë se i shikoni prodhimet farmaceutike të Kosovës, në qoftë se e shohim aferën e miellit, ose e shohim pataten e shumë punë të tjera besoj se kemi arsye shumë më tepër të brengosemi se sa të kënaqemi për këtë nivel të bashkëpunimit ekonomik.”, ka thënë ai.
Gërxhaliu potencoi për KosovaPress se në mes këtyre dy shteteve është krijuar një ngërç ekonomik të bashkëpunimit në mes bizneseve, prandaj siç tha ai, më tepër duhet të punohet në substancë se sa në formë.
Edhe Nikolin Jaka, kryetar i Dhomës së Tregtisë dhe Industrisë në Shqipëri, tha për KosovaPress se bashkëpunimi ekonomik Shqipëri Kosovë, nuk është në nivel të kënaqshëm, duke thënë se dy qeveritë do të duheshin të kishin prioritet të përcaktuar si dhe objektiv afatgjate bashkëpunimin ekonomik në mes dy vendeve. “Mendoj se Qeveritë e dy vendeve duhet të jenë më serioze duke përcaktuar prioritet, objektivat dhe afatin kohor se kur duhet të realizohen këto. Është fatkeqësi e madhe që ne akoma mbërthehemi nga notat e folklorizmit dhe patriotizmit që realisht nuk krijon asgjë tjetër veç se zgjon aftra të vjetra mbase shqiptarët tash janë të konsoliduar në idetë e tyre që e ardhmja e tyre e vetme është Evropa. Shumë procedura janë thjeshtuar, kemi një marrëveshje bashkëpunimi në mes drejtorive të doganave, po punohet për një doganë të përbashkët, për një pikë kalimi të kufirit por unë mendoj se sa më shumë që kalon koha dhe sa më shumë që zvarritet procedurat aq më shumë është kostoja për qytetarët dhe sipërmarrësit e dy vendeve tona”, tha ai.
Ndërsa, Ibrahim Rexhepi, drejtor i Organizatës “Stras”, ka thënë për KosovaPress se raportet ekonomike në mes Kosovës dhe Shqipërisë kanë ngecur, ku siç tha ai raportet ekonomike nuk kanë ecur ngase nuk janë format e avancuara të bashkëpunimit ekonomik, investimet e përbashkëta, ndërtimi i kapaciteteve të përbashkëta dhe realizimi i projekteve të cilat të qojnë drejt integritetit të tregut.
“Nëse kemi parasysh marrëdhëniet tregtare ka rritje, madje mund të thuhet që viteve të fundit, ajo rritje është shumë më e shpejtë se saqë edhe është pritur. Kjo ka ndihmuar çoftë për shkak të ndërtimit të autostradës, apo të ndërtimit të raporteve në mes dy vendeve të regjionit. Mirëpo raportet tjera ekonomike nuk kanë ecur, don të thotë nuk janë format e avancuara të bashkëpunimit ekonomik, investimet e përbashkëta , ndërtimi i kapaciteteve të përbashkëta dhe realizimi i projekteve të cilat të qojnë drejt integritetit të tregut”, tha ai. /Telegrafi/
Promo
Reklamo këtuLufta Prigozhin - Putin
Më shumëKëto kompani të mëdha po ju kërkojnë – A jeni gati për një sfide të re?
Mos e humbisni mundësinë e fundit për të fituar një Vespa të re nga Auto Mita
Back to School në Cinestar me 31 gusht dhe 1 shtator me çmime të biletave 2,50€
Edhe pak ditë na ndajnë nga ndarja e shpërblimeve nga loja e Emona Center
Hapet resorti më i ri në Golem, "FAFA Aqua Palace" - Tani e dini se ku t'i kaloni pushimet
Njoftim me rëndësi për udhëtarët e Hamburg!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Të shtëna me armë zjarri në Prishtinë, pesë të plagosur dërgohen në QKUK
Mysafirët nga Serbia e njoftojnë Kurtin: Beogradi po planifikon zhvendosjen e serbëve të Kosovës për në Sanxhak
Super gol i Edon Zhegrovës përballë PSG-së
Aktorja e famshme turke ka rrënjë shqiptare - flet me krenari për veshjet dhe ushqimet tradicionale
Formë e re e presionit ndaj Netanyahut - grevë e përgjithshme, ‘paralizohet’ gjithçka në Izrael
Vrapi me pengesa i turizmit në Shqipëri: Rritja e pajustifikuar e çmimeve la shezlongët bosh