Apple përsëri shpërthen me rezultate, sukses i madh i iPhone, iPad dhe iPod

Apple raportoi rritje të përmirësuar të shitjeve në tremujorin e tretë të saj fiskal që mbaroi në qershor, me të ardhura më të larta se 7 për qind të cilat arritën në 45.41 miliardë dollarë.

Rritja në të ardhurat e iPhone u përshpejtuan për 3 për qind për të sjellë 24.85 miliardë dollarë, krahasuar me vetëm 1 për qind rritje vjetore sa ishte regjistruar në tremujorin e mëparshëm.

Dërgesat e iPhone-ëve arritën në 41,026 milionë njësi, duke u rritur 2 për qind nga viti në vit në krahasim me një rënie vjetore prej 1 për qind, krahasuar me  tremujorin e mëparshëm.

Dërgesat e iPad gjithashtu u rritën me 15 për qind nga viti në vit në 11.424 milionë njësi, të mbështetura nga lansimi i një modeli të ri me çmim më të ulët gjatë tremujorit, ndërkohë që të ardhurat e iPad u rritën me 2 për qind.

Apple tha se gjithashtu krijoi një rekord të ri të të gjitha kohërave në të ardhurat e shërbimeve, duke u rritur 22 për qind nga viti në vit në 7.27 miliardë dollarë.

Shitjet e kompjuterëve Mac gjithashtu u rritën me 7 për qind në 5.592 miliardë dollarë në një shifër më të lartë prej 1 për qind dhe shitjet nga produktet e tjera, si Apple Watch dhe Apple TV, që u rritën 23 për qind ose arritën në 2.74 miliardë dollarë.

Fitimet neto të Apple u rritën në 1.67 dollarë për aksion nga 1.42 dollarë sa ishin një vit më parë dhe kompania mbajti dividentin e saj tremujor me 63 centë për aksion.

Për tremujorin fiskal Q4, Apple parashikonte të ardhura prej 49-52 miliardë dollarëve, duke u rritur nga 46.85 miliardë dollarë sa ishin një vit më parë.