Alergjitë e lëkurës dhe rreziku më i vogël për karcinomë

Personat te të cilët simptomat e alergjisë shfaqen pas kontaktit të lëkurës me ndonjë metal ose substanca kimike, mund të kenë rrezik më të vogël për t’u sëmurë nga llojet e ndryshme të kancerit.

Shkencëtarët danezë nga Qendra kombëtare për hulumtimin e alergjive, besojnë se rezultatet e tyre mbështesin mendimin, sipas të cilit, alergjitë mund ta nxisin sistemin imunitar që të luftojë qelizat e karcinomës para se të vijë deri te zhvillimi i sëmundjes.

Në studim kanë marrë pjesë rreth 17.000 personas të rritur, të cilët në periudhë 24-vjeçare janë testuar për praninë e alergjive të kontaktit.

Është treguar se te participantët te të cilët janë zbuluar këto alergji, ata kishin më pak rrezik për t’u sëmurë nga kanceri i gjirit dhe i lëkurës (këtu bën përjashtim melanoma).

Femrat me alergji kontakti të lëkurës kishin gjasa më të vogla për të zhvilluar kancer në tru.

Nga ana tjetër, te personat me këto alergji, është vërejtur rrezik më i madh për sëmurje nga kanceri i fshikës urinare. /Telegrafi/