Akupunktura ndihmon te fekondimi

Hulumtimi i ri tregon se akupunktura, por vetëm gjatë kohës së bartjes së embrionit, mund të rris gjasat se efekti i fekondimit artificial do të jetë i suksesshëm.

Një ekip i hulumtuesve nga universiteti britanik Southampton dhe spitali me po të njëjtin emër nga qyteti Princess Anne, ka dëshmuar se me nënshtrimin ndaj akupunkturës gjatë kohës së bartjes së embrionit arrihet përqindja e fëmijëve të porsalindur për 35 %.

Kjo flet për dobinë e akupunkturës, duke marrë parasysh se përqindja e porsalindurve të cilët fillojnë me fekondim artificial pa akupunkturë është vetëm 22 %. Udhëheqësi i hulumtimit Ying Cheong, nga katedra për riprodhim në universitetin e përmendur, ka thënë se ky zbulim është një lajm i mirë.

"Se a u ndihmon akupunktura grave të lindin fëmijë të gjallë apo jo, është pyetje kontroverse dhe mendimet për këtë janë të ndara. Kemi dëshmuar se akupunktura, e kryer në një stad real, mund të ketë efekt domethënës. Gruaja e cila i nënshtrohet asaj ka gjasa dukshëm më të mëdha që do të lind fëmijë të gjallë, për dallim nga gruaja e cila nuk ka qenë në akupunkturë", ka konkluduar ai.

Por, hulumtimi ka zbuluar se edhe koha kur kryhet akupunktura, është gjithashtu e rëndësishme, sepse akupunktura e cila është kryer në ditët pas bartjes së embrionit nuk i ka rritur gjasat për shtatzëni të suksesshme. /Telegrafi/