Monumentet e harruara të Tepelenës (Video)

Kreu i Bashkisë së Tepelenës, Tërmet Peçi, pranon faktin se turizmi nuk ndikon fare në jetën e qytetarëve dhe banorëve të rrethinave. Mungesa e investimeve, sipas tij, dhe kufizimi i granteve lokale, ka bërë që ndërhyrjet rehabilituese të jenë minimale.

Kalaja e Tepelenës, monumenti më i rëndësishëm, trashëgimi e Ali Pashës, vuan mungesën e projekteve rehabilituese, ndërsa megjithë aksionet e bashkisë, vazhdon të jetë e zaptuar nga gardhet e bagëtitë.

Muzeu i Teplenës i çelur në vitin 1974, objekt që shërbeu për një kohë të gjatë si një qendër grumbullimi dhe ekspozimi i pasurive arkeologjike, etnografike e kulturore, sot është i mbyllur për mungesë fondesh, raporton Top Channel

Sipas informacioneve zyrtare, turizmi duket se nuk ka shpresa në të tashmen. Shtëpia e Ali Pashës në Beçisht përballë Tepelenës gjendet e rrënuar, qyteza antike e Horës po grabitet çdo ditë, pylli madhështor i Drilonit po pritet dhe shkatërrohet, lumi i Vjosës po shfrytëzohet për inerte në mënyrë barbare, kalaja e Tepelenës nuk ka realizuar asnjë ndërhyrje të brendshme në dy dekada. /Telegrafi/