Largohet 95 % e Jaffa keksit nga tregu

Inspektorati sanitarë ka urdhëruar operatorët ushqimor që të heqin nga shitja Jaffa keksin. Megjithëkëtë, disa tregtarë vazhdojnë ta shesin këtë produkt, ndërsa qytetarët thonë se janë në dijeni se Jaffa keks është i dëmshëm për shëndetin e njeriut.

Organet inspektuese ditë më parë kanë ndaluar përdorimin e Jaffa keksit. Kjo ëmbëlsirë është konstatuar të jetë e dëmshme për shëndetin e njeriut. Qytetarët janë në dijeni se ky produkt tashmë është jashtë konsumit.

Ndonëse disa qytetarë janë të vetëdijshëm se përdorimi i Jaffa keksit është i dëmshëm, ndonjë edhe mund ta blejë atë. Disa markete nuk e kanë hequr këtë lloj keksi nga shitja. Një pronare e një mini-marketi pa dashur ti përmendet emri ende e shet këtë produkt.

“Ne të dyqaneve nuk jemi fajtorë–sepse ajo shitet nga depot me shumicë kështu që në treg është në shitje unë e blej dhe më pas e shes në dyqan timin”, tha shitësja.

Inspektori sanitar, Ibrahim Tërshnjaku tha për Radio Kosovën se tashmë kanë arritur që në shumë vende ta heqin nga tregu Jaffa keksin . “ Ne si organ i kontrollit kemi marr masa urgjente, brenda 2-3 orëve nga operatorët ushqimor dhe kur flas për operatorët ushqimor kam fjalën për operatorët e mëdhenj siç janë ”Ben-af”, ”Viva” , ”ETC” etj, i kemi larguar nga tregu, kemi marr mostra dhe kemi marr vendim për ndalimin e shitjes së këtij produkti. Për momentin 95 për qind e kanë larguar këtë produkt por ka edhe operatorë të papërgjegjshëm të cilët e lënë në treg”.

Tërshnjaku tha se inspektorati sanitar do të ndëshkoj të gjithë ata operatorë të cilët ende e shesin Jaffa keksin. Ky produkt fillimisht është ndaluar nga autoritetet sllovene. Analizat kanë treguar se ky produkt përmban foto-inciatorin benzofenon që paraqet rrezik për shëndetin e njeriut e posaçërisht për fëmijët. /Telegrafi/