Ulpiana e vjetër, pasuri kulturore e gjithë shqiptarëve

Në sheshin e Prishtinës sot është hapur ekspozita “Ulpiana - Krenaria jonë”. Nënkryetari i Prishtinës, Avdulla Hoti, i cili edhe e ka bërë hapjen e këtij manifestimi ka thënë se hapja e kësaj ekspozite po e pasuron jetën kulturore në Komunën e Prishtinës. Ai ka thënë se Ulpiana e vjetër është një pasuri kulturore jo vetëm e qytetarëve kosovarë po e të gjithë popullit shqiptar.

“Kam nderin ta hap këtë manifestim i cili po e pasuron jetën kulturore në qytetin e Prishtinës në Komunën e Prishtinës një falënderim i veçantë për organizatorët të cilët kanë bërë të mundur organizimin e kësaj ngjarje dhe paraqitjen para qytetarëve para mysafirëve të kësaj pasurie kulturore historike që ka Kosova që tani është pasuri jo vetëm e Kosovës por edhe e gjithë popullit shqiptarë kudo që ndodhet”, ka thënë Hoti.

Ndërsa drejtori i Institutit Arkeologjik të Kosovës, Enver Rexhaj, ka treguar para se Ulpiana e vjetër ka qenë pararendëse e qytetit të sotëm të Prishtinës

“Ulpiana ka qenë pararendëse e qytetit të sotëm të Prishtinës, kemi kënaqësinë që sot ta promovojmë”, ka theksuar Rexhaj.

Ky manifestim është organizuar nga Ardian Kolaj dhe Nol Kristaj, dhe do të zgjas pesë ditë ku do të ketë aktivitete të ndryshme si ekspozita, orë letrare kushtuar Ulpianës, tribunë kushtuar martirëve të Ulpianës, Film Dokumentarë “Ulpiana”, orë artistikë për recitim, program kulturo – artistik, ku edhe do të përmbyllet manifestimi./Kosovapress/Telegrafi/