Mel B dëshiron turne për 20-vjetorin e Spice Girls

Mel B dëshiron një ribashkim të grupit Spice Girls dhe një turne festiv për 20-vjetorin e themelimit të grupit, që shënohet vitin e ardhshëm.

Grupi i vajzave u krijua në vitin 1994 dhe arriti një sukses bombastik aso kohe, para se të shpërbëhej dhe vajzat të ndiqnin karriera si soliste ose në fusha të tjera.

Por, derisa Mel B dhe vajzat tjera të grupit si Geri Halliwell, Emma Bunton dhe Mel C, janë të hapura për idenë, Victoria Beckham mendohet se është pengesë pasi dëshiron të fokusohet në linjën e saj të modës.

“Victoria e sheh vitin 2014 si një vit për t’u përqendruar në linjën e saj të modës, jo në muzikën e saj. Asaj i pëlqeu performanca dhe ribashkimi në Olimpiadë, por ajo ishte vetëm një ngjarje. Mel B ka punuar në projektin Spice 20 dhe e sheh atë si një mundësi për t’i bashkuar të gjitha”.

“Victoria mendon se ajo nuk do të ketë kohë ose dëshirë të punojë në performancat live sërish. Mel është gjithmonë nxitëse për projektet e Spice”, ka thënë burimi për New York Daily News. /Telegrafi/