Kush e fiton garën – Koenigsegg Jesko apo Bugatti Chiron

Nëse kërkoni dy automjetet hipersportive më radikale, shumë mundësi është që të përfshini të paktën një nga këto dy veturat. Britanikët e Carwow patën mundësinë të vënë ballë për ballë këto dy automjetet në asfalt dhe kështu të shënojnë një arritje të madhe – 10 milionë abonentë në kanalin e tyre në YouTube.

Koenigsegg Jesko Attack luan me kartën e ndërtimit të lehtë. Pesha e veturës është vetëm 1420 kg, çka i mundëson të jetë konkurrues në krahasim me Bugattin shumë më të fuqishëm.

Për të kujtuar, Jesko përdor një motor 5.0 V8 twinturbo me 1280 kuaj/fuqi dhe 1000 Nm, në kombinim me një kutia përçuesi të pasmë dhe kutinë inovative Lightspeed me nëntë shpejtësi përçimi.

Chiron është modeli i fundit i llojit të tij, dhe kjo do të thotë motor 8.0 W16 quadturbo, me 1600 kuaj/fuqi dhe 1600 Nm, në kombinim me sistemin e tërheqjes në katër rrota dhe një kutia përçuesi me shtatë shpejtësi. Versioni SS ka një peshë prej 1995 kg.

Në përpjekjen e parë të garës së përshpejtimit, Jesko kishte vështirësi për të transferuar fuqinë e madhe në sipërfaqe. Bugatti e kryen punën pa probleme. Në përpjekjen e dytë, gjithçka ishte më e ngushtë. Çereku i miljes u kalua për 9.6 sekonda. Dhe pastaj pasoi gara me start fluturues, ku rezultati ishte i barabartë.

Dhe për të përmendur në fund, Chiron ka një çmim fillestar prej 2.4 milionë eurosh.

Jesko, me 125 njësi të prodhuara, ka një çmim fillestar prej 2.8 milionë eurosh, dhe vlen të theksohet se me adaptimin për karburantin E85, fuqia rritet në 1600 kuaj/fuqi. /Telegrafi/