Pas një përplasje fatale, Koreja e Jugut do të heqë barrierat e betonit pranë pistave

Pas një përplasjeje fatale, Koreja e Jugut do të heqë barrierat e betonit pranë pistave

Koreja e Jugut do të ndryshojë barrierat e betonit të përdorura në shtatë aeroporte në të gjithë vendin, pas rrëzimit të aeroplanit në dhjetor ku humbën jetën 179 persona.

Shtatë aeroporte gjithashtu do të përshtaten zonat e tyre të sigurisë së pistës, pas një rishikimi të të gjithë aeroporteve të Koresë së Jugut që u krye pas rrëzimit – më vdekjeprurësi në historinë e vendit, transmeton Telegrafi.

Aeroplani i aviokompanisë Jeju Air po sillte pasagjerë në shtëpi nga Tajlanda pas Krishtlindjeve, kur bëri një ulje emergjente në aeroportin Muan dhe shpërtheu pasi u përplas në një pengesë betoni në fund të pistës.

Shkaku i rrëzimit është ende i panjohur, por ekspertët e sigurisë ajrore kishin thënë më herët se numri i viktimave mund të ishte shumë më i ulët, po të mos përplasej në barrierën e betonit.

Struktura e betonit mban një sistem navigimi që ndihmon uljen e aeroplanëve – i njohur si lokalizues. Ministria e Transportit e Koresë së Jugut, tha se ky sistem mund të gjendet edhe në aeroporte të tjera në vend dhe madje edhe jashtë saj.

Inspektorët e sigurisë tani kanë identifikuar nëntë nga këto sisteme, të cilat sipas tyre duhet të ndryshohen. Këto përfshijnë sistemet në Muan dhe aeroportin ndërkombëtar Jeju, i cili është aeroporti i dytë më i madh i vendit.

Ata po kërkojnë ose të zëvendësojnë bazat e betonit me struktura më të lehta ose t’i fusin ato nën tokë. /Telegrafi/