Kirurgu plastik tajvanez operon vetveten, publikon videon në rrjetet sociale

Një kirurg plastik tajvanez ka tërhequr shumë vëmendje pasi ka ndarë në rrjetet sociale një video ku kryen një vazektomi mbi veten, si një dhuratë për gruan e tij.

Chen Wei-nong, baba i tre fëmijëve që punon në një klinikë kirurgjie plastike në qytetin Taipei, u bë viral këtë javë pas publikimit të një videoje të pazakontë në Facebook dhe Instagram.

Për ta qetësuar gruan, doktori i ri vendosi të bënte një vazektomi dhe, për të siguruar që procedura të shkonte siç duhet, e realizoi atë vetë, duke regjistruar të gjithë procesin për qëllime edukative, raporton odditycentral.

Pasi prezantoi një listë me 11 hapa të përfshirë në operacion, Chen aplikoi anestezi lokale dhe filloi punën. Për shkak se operacionet personale nuk janë të zakonshme, një procedurë që zakonisht zgjat rreth 15 minuta iu desh rreth një orë, por përfundoi me sukses.

“Ishte një ndjesi e çuditshme të prekja dhe të qepja uretrën time”, tha Chen para ndjekësve në rrjetet sociale dhe shtoi se “në rastin e kirurgjisë së tubave të fallopit tek gratë është shumë e vështirë, por tek burrat është relativisht më e thjeshtë, sepse problemi zgjidhet duke gjetur vezët e ndryshme dhe duke i lidhur ato”.

Videoja e Chenit u bë virale në Tajvan, duke grumbulluar mbi 4 milionë shikime brenda pak ditësh. Ndërsa shumica e përgëzuan për guximin, aftësitë dhe dashurinë për gruan e tij, disa shprehën shqetësim për sigurinë e procedurës së kryer nga vetë ai.

Doktori i ri sqaroi se ishte një kirurg i licencuar dhe se vazektomia ishte kryer duke pranuar pasojat personale, jashtë orarit të punës dhe nën mbikëqyrjen e një urologu. Gjithsesi, ai paralajmëroi të gjithë që të mos ndiqnin shembullin e tij, por të gjenin një urolog të kualifikuar.

Doktori tajvanez tha se përjetoi pak dhimbje dhe shqetësim natën e operacionit, por ishte mirë kur u zgjua të nesërmen në mëngjes. Ai u pagëzua si “burri më guximtar në Tajvan” për kryerjen e vazektomisë në vetvete.

Lexo po ashtu Vazektomia jua rikthen jetën seksuale në vitet e adoleshencës!

Pas një hetimi paraprak, Departamenti i Shëndetësisë i Taipeit konfirmoi se Dr. Chen, një mjek i kualifikuar, nuk hasi asnjë problem ligjor duke kryer procedurën mbi veten.

Ndryshe, vazektomia është një formë kontrolli i lindjes për meshkuj, e cila ndërpret furnizimin me spermë në lëngun seminal. Kjo realizohet duke prerë dhe mbyllur tubat që transportojnë spermën. Vazektomia ka një rrezik të ulët për komplikacione dhe zakonisht kryhet në kushte ambulatore, nën anestezi lokale.