LAJMI I FUNDIT:

Baerbock ia kthen shpinën Scholzit: Ai po sakrifikon paqen për disa vota

Baerbock ia kthen shpinën Scholzit: Ai po sakrifikon paqen për disa vota

Ministrja e Jashtme e Gjermanisë, Annalena Baerbock, ka drejtuar kritika ndaj kancelarit Olaf Scholz për bllokimin e ndihmës ushtarake shtesë për Ukrainën, duke e akuzuar atë për rrezikimin e paqes në Evropë në përpjekje për të “fituar disa vota” para zgjedhjeve në vendin më të madh të Bashkimit Evropian.

Baerbock, partia e së cilës, të Gjelbërit, paraqitet si mbështetësi më i fortë i Kievit në fushatën për zgjedhjet federale të ardhshme, tha se është “vërtet e vështirë” që Scholzi refuzon të miratojë tre miliardë euro shtesë për blerjen e armëve.

Pa ia përmendur emrin Scholzit, Baerbock pohoi se nuk mund ta kuptonte faktin “se si disa politikanë mundohen të fitojnë disa vota në zgjedhjet e përgjithshme” dhe kjo është më e rëndësishme se përgjegjësia për sigurimin e paqes dhe lirisë në Evropë, shkruan derspiegel.


“Politika e përgjegjshme nuk do të thotë të shkojmë në drejtimin ku fryn era, dhe ndoshta as të ndryshojmë drejtim gjatë fushatës zgjedhore”, tha Baerbock.

Mbështetja për Ukrainën kundër agresionit rus është bërë një çështje në fushatën zgjedhore para votimit në Gjermani më 23 shkurt, ndërsa kombet evropiane po përpiqen të rrisin mbështetjen për Kievin për shkak të frikës se Donald Trump mund të ulë ndihmën amerikane pas inaugurimit si president i SHBA-ve.

Scholz u përpoq të ulë shqetësimet, duke thënë se nuk pret që SHBA-të nën udhëheqjen e Trumpit të “ndalin mbështetje për Ukrainën në mbrojtjen e saj”.

Ndryshe, Gjermania është dhuruesi i dytë më i madh i ndihmës ushtarake për Ukrainën pas SHBA-ve.

Baerbock dhe ministri i Mbrojtjes Boris Pistorius, anëtar i Partisë Socialdemokrate të Scholz (SPD), mbështesin fonde shtesë për blerjen e pajisjeve ushtarake për të ndihmuar Ukrainën në mbrojtjen nga Rusia, e cila sulmoi fqinjën e saj pothuajse tre vjet më parë.

Paratë shtesë, që do të ishin mbi 4 miliardë euro të parashikuara për vitin 2025 në buxhetin e përkohshëm, do të përdoren për blerje, përfshirë tre bateri të reja Iris-T kundërajrore, si dhe raketa për mbrojtje ajrore dhe predha artilerie.

Kancelari ka deklaruar se do të miratojë paratë vetëm nëse “ndalet frenimi i borxhit” që vendos kufizime të rrepta për huamarrjet shtetërore.

CDU ka sinjalizuar se është i gatshëm të mbështesë një paketë të re për Ukrainën, por jo nëse do të thotë borxhe të tjera. /Telegrafi/

Në trend Botë

Më shumë
Zelensky jep versionin e tij rreth telefonatës me Donald Trump

Zelensky jep versionin e tij rreth telefonatës me Donald Trump

Botë
Sekretari amerikan i Mbrojtjes, Hegseth: Ukraina nuk mund të kthehet në kufijtë e vitit 2014

Sekretari amerikan i Mbrojtjes, Hegseth: Ukraina nuk mund të kthehet në kufijtë e vitit 2014

Evropa
Deti në Turqi është tërhequr më shumë se 200 metra, qytetarët frikësohen se është për shkak të një tërmeti

Deti në Turqi është tërhequr më shumë se 200 metra, qytetarët frikësohen se është për shkak të një tërmeti

Turqia
Trump i jep pozitë të lartë edhe Robert O’Brienit - njeriut që ishte marrë me Kosovën e Serbinë

Trump i jep pozitë të lartë edhe Robert O’Brienit - njeriut që ishte marrë me Kosovën e Serbinë

Amerika
Trump thotë se ka folur me Putinin: Negociatat për t'i dhënë fund luftës në Ukrainë do të fillojnë

Trump thotë se ka folur me Putinin: Negociatat për t'i dhënë fund luftës në Ukrainë do të fillojnë "menjëherë"

Botë
Pas telefonatës me Putinin, Trump thotë se ka biseduar edhe me Zelenskyn e Ukrainës

Pas telefonatës me Putinin, Trump thotë se ka biseduar edhe me Zelenskyn e Ukrainës

Botë
Kalo në kategori