Çfarë mund të ndodhë me çmimet e gazit nëse Biden vendos sanksione të reja kundër sektorit energjetik rus?

Sanksionet e reja ndaj sektorit energjetik të Rusisë mund të rrisin përkohësisht çmimet e gazit dhe të ndryshojnë modelet e eksportit të naftës, sipas ekspertëve që analizuan ndikimin global të gjobave të vendosura më parë ndaj karburanteve fosile të vendit.

Presidenti amerikan Joe Biden thuhet se po shqyrton vendosjen e sanksioneve të reja ndaj energjisë ruse përpara se të largohet nga detyra.

Nëse Biden vazhdon me sanksione, ato mund të rezultojnë në çmime më të larta të gazit në nivel global, shkruan yahoonews.

Bëhet e ditur se çmimi i gazit natyror filloi të rritet në vitin 2022, por arriti një rekord të lartë në SHBA pasi Rusia nisi agresionin në vendin fqinj, Ukrainën.

Më pas, Biden dhe vendet perëndimore vendosën sanksione ndaj energjisë ruse duke rezultuar në rritjen e çmimeve të naftës në mbarë botën.

Sipas FRED, Indeksi i Çmimeve të Prodhuesit (PPI) për naftën në qershor 2022 ishte afërsisht 109% më i lartë se në qershor 2021.

Megjithatë, të dhënat nga Byroja e Statistikave të Punës tregojnë se çmimet janë ulur ndjeshëm që atëherë.

Ndryshe, raporti vjen vetëm disa ditë pasi SHBA-ja lëshoi ​​sanksione të reja kundër disa subjekteve dhe individëve të lidhur me Rusinë të përfshirë në ndërtimin e Nord Stream 2, tubacioni masiv i gazit nënujor që lidh Rusinë me Gjermaninë. /Telegrafi/