10 filmat më të këqij të 2024-tës

Filmat më të këqij të vitit 2024 ofrojnë një pasqyrë të thellë të zhgënjimeve që kanë karakterizuar industrinë kinematografike këtë vit.

Pavarësisht buxheteve të larta dhe kastëve të njohura, disa nga këto produksione kanë dështuar të kapin kërkesat e shikuesve dhe kritikëve.

1. “Megalopolis”
Megalopolis (2024) është një dramë vizionare e regjisorit Francis Ford Coppola, që trajton përplasjen mes idealizmit dhe forcave politike regresive. Filmi fokusohet në rivalitetin mes Cesar Catilina (Adam Driver), një artist brilant që do të krijojë një shoqëri utopike, dhe kundërshtarit të tij, Kryetarit të Bashkisë Franklyn Cicero (Giancarlo Esposito). Me një kast të pasur aktorësh, përfshirë Aubrey Plaza dhe Shia LaBeouf, Megalopolis shqyrton ambiciet njerëzore, pushtetin dhe ndryshimin shoqëror.

2. ‘Madame Web’
Madame Web është një film ‘superhero’ nga Sony në Universin e Spider-Man, me Dakota Johnson në rolin e Cassandra Webb, një paramedike që fiton aftësi psikike pas një përvoje të afërt me vdekjen. Ajo fillon të ketë vizione të ardhmes dhe lidhet me tre adoleshentë që janë të destinuar për fuqi të jashtëzakonshme. Bashkë me ta, ajo përballet me kërcënimin e një njeriu, Ezekiel Sims, i cili po përpiqet t’i shkatërrojë. Ky është spinoffi i parë femëror i Spider-Man, me një kast që përfshin edhe Sydney Sweeney dhe Celeste O’Connor. Ishte një film që ishte disi i mirë për të qeshur, por ndoshta është më mirë ta lëmë në 2024, sapo të vijë viti i ri.

3. ‘Back to Black’
Back to Black kishte shumë për të arritur si film biografik, duke synuar të tregonte një vështrim të sinqertë mbi jetën e Amy Winehouse, e cila vdiq tragjikisht pas një karriere të shkurtër muzikore. Pavarësisht qëllimeve të mira, filmi dështon të japë një pasqyrë të thellë dhe të sinqertë të jetës së saj, pasi ka pasur një trajtim më të mirë në dokumentarin Amy (2015). Në krahasim, Back to Black është një tjetër biografi muzikore mes shumë të tjera, që shpesh bie në shtigje të përsëritura dhe të pasinqerta.

4. ‘Megamind vs. the Doom Syndicate’
Megamind vs. the Doom Syndicate është aktualisht konsideruar filmi më i keq i vitit 2024, sipas vlerësimeve të Letterboxd. Vazhdimi i shpejtë dhe me buxhet të ulët i Megamind origjinal, që ishte mjaft i pëlqyer, ka zhgënjyer ata që e donin filmin e parë, duke ofruar një përvojë të dobët dhe të papërshtatshme. Filmët e drejtuar për transmetim shpesh dështojnë të përmbushin pritshmëritë, dhe ky nuk është përjashtim, pasi ka pasur ndryshime në aktorët zanorë dhe një përpjekje të pamjaftueshme për të përmbushur nivelin e filmit të parë.

5. ‘Miller’s Girl’
Milller’s Girl tenton të ofrojë një rrotullim të ri në zhanrin e thrillerit erotik, por dështon të realizojë një kombinim të suksesshëm të emocioneve, dramatizmit dhe erotizmit. Historia përfshin një studente dhe mësuesin e saj që krijojnë një lidhje të papërshtatshme, por filmi nuk arrin të përfitojë nga aktorët e tij të talentuar, Jenna Ortega dhe Martin Freeman. Në fund, pavarësisht se zgjat vetëm një orë e gjysmë, Miller’s Girl duket si një humbje kohe dhe e ngulfatur në mundime për të gjetur identitetin e tij.

6. ‘Rebel Moon – Part Two: The Scargiver’
Rebel Moon nuk arriti të bëhet një sagë e madhe siç pritej. Filmi i parë, Rebel Moon – Pjesa e Parë: Një fëmijë i zjarrit (2023), ofroi spektakël vizual, por nuk shkëlqeu, dhe vazhdimi i tij, Rebel Moon – Pjesa e Dytë: The Scargiver (2024), ishte edhe më i dobët. Ndonëse kishte disa elemente vizuale tërheqëse, të dy filmat vuajtën nga një publikim të pasuksesshëm dhe një menaxhim të keq nga Netflix, me prerje të regjisorit që duken si versione origjinale që duhej të ishin hedhur fillimisht.

7. ‘Venom: The Last Dance’
Venom: The Last Dance është një film zhgënjyes, që nuk arrin të ofrojë emocionin e duhur. Pavarësisht se Tom Hardy është i pranishëm, ai duket i lodhur dhe i pavendosur, ndërsa filmi ka humor të tepruar dhe skena aksioni të dobëta. Pa një konflikt të mirëfilltë dhe me një rrjedhë të dobët të ngjarjeve, ky është një film që nuk e mban vëmendjen dhe përfundon duke premtuar më shumë sesa ofron.

8. ‘The Crow’
The Crow i vitit 2024 nuk arriti të plotësonte pritshmëritë dhe nuk nderoi trashëgiminë e filmit të vitit 1994. Ndërsa versioni origjinal ishte një përzierje e suksesshme e elementeve mbinatyrorë dhe aksionit, ky ribërje e vitit 2024 është një përpjekje e dobët që bashkon fantazinë, tmerrin dhe aksionin, duke ofruar një histori të shpërndarë për vdekjen, humbjen dhe hakmarrjen. Ky film shpejt ra në harresë dhe shumë pak njerëz duket se u interesuan ta shikonin.

9. ‘Argylle’
Argylle është një film aksion që ka pretenduar të jetë diçka e veçantë, por ka dështuar të tërheqë vëmendje. Pavarësisht bujës dhe investimeve të mëdha, rezultati është një film mesatar që ndihet i lodhur dhe i tejzgjatur. Kast i talentuar shpërdorohet, dhe humori shpesh dështon, duke e bërë gjithçka të duket e kotë dhe e pabazuar në premtimet e tij për të filluar një ekskluzivitet. Pas një përvojë të tillë, një Argylle mjafton.

10. ‘Joker: Folie a Deux’
Joker: Folie a Deux është një nga filmat më të zhgënjyeshëm të vitit 2024. Pavarësisht buxhetit të madh prej 190 milionë dollarësh, filmi duket i humbur, me një skenar të përsëritur dhe një muzikë që pengon më shumë sesa emocionon. Aktorët kryesorë, Joaquin Phoenix dhe Lady Gaga, nuk e shfaqin potencialin e tyre të plotë, duke e lënë filmin të ndihet i kontrolluar dhe i pafrytshëm. Ndërsa përmbysja e stilit nga filmi i parë mund të shikohet si një përpjekje për të tërhequr një audiencë më të gjerë, ajo e bën më shumë zhgënjim se sa kënaqësi. /Telegrafi/