Lizzo flet për akuzat për ngacmim seksual: Nuk kam bërë asgjë të keqe

Reperja amerikane Melissa Jefferson, e njohur më mirë si Lizzo, së fundmi ishte e ftuar në podkastin “Baby, This Is Keke Palmer”, ku foli për padinë e ngritur kundër saj nga tre ish-balerimtarë vitin e kaluar.

Lizzo pranoi se asaj iu desh pak kohë për të kuptuar seriozitetin e situatës që pasoi përfundimin e turneut të saj të parë madhor.

“Jeta ime ishte fjalë për fjalë një ëndërr. Dhe më pas, kur turneu përfundoi, tre kërcimtarë më befasuan plotësisht duke ngritur një padi”, tha këngëtarja, duke theksuar se sa shumë e ndikoi kjo ngjarje tek ajo.

Lizzo zbuloi se ishte krejtësisht e befasuar nga akuzat, aq më tepër që akuzuesit përfshinin tre balerinë që as nuk e përfunduan turneun.

“Ata njerëz ishin pjesë e ekipit tim, njerëz që i doja dhe i vlerësoja. Për shkak të kësaj, ishte një situatë edhe më e dhimbshme, veçanërisht kur filluan akuzat për ngacmim seksual”, tha ajo, duke shtuar se ndihej konfuze për shkak të gjithë atyre pretendimeve. duke theksuar se nuk është e sigurt se çfarë po përpiqeshin të arrinin kërcimtarët, por theksoi se mediat mund ta kthejnë situatën në diçka që ajo e konsideron të pavërtetë.

Këngëtarja është goditur më së shumti nga akuzat për ngacmime seksuale, por shumë prej këtyre pretendimeve ajo i ka quajtur të pakuptimta.

“Duhet të jem i qartë, nuk kam bërë asgjë të keqe”, tha Lizzo.

Kujtojmë se në gusht të vitit 2023, tre ish-balerimtarë të Lizzo, Arianna Davis, Crystal Williams dhe Noelle Rodriguez, ngritën një padi kundër saj për ngacmim të dyshuar seksual dhe racor, krijimin e një mjedisi armiqësor pune dhe diskriminim e abuzim. Padia pretendon se Lizzo nuk arriti të parandalonte ose korrigjonte kushtet që shkaktuan ngacmimin, duke përfshirë pretendimet se ajo detyroi një nga kërcimtarët të kërcente me interpretues të zhveshur në klubin e Amsterdamit. /Telegrafi/